Онцгойрогчид: Амжилтын түүхүүд

Энэхүү товч номыг уншсанаар та амжилтад хүрнэ гэдэг зөвхөн ганцхан хүчин зүйлийн үр дүн байх нь ховор. Харин гадаад нөхцөл байдлаас үүссэн дотоод чадварууд болон боломжуудын нэгдэл юм гэдгийг ойлгоно.

Мөн дараах зүйлсийг олж мэднэ:
• 10,000 цагийн дүрэм. Та хэр их авьяастай эсэхээс үл хамааран амжилтад хүрэхийн тулд дор хаяж 10,000 цаг дадлага хийх хэрэгтэй. 
• Нийгмийн зарим гишүүдийн амжилтад хүрэх явцыг хүндрүүлдэг гэх өрөөсгөл ойлголт меритократ тогтолцооноос үүдэлтэй.
• Хаана, хэзээ төрж, хэрхэн өсөж хүмүүжсэн гэх мэт танаас үл хамаарах асуултууд чухал. 
• Шийдвэр гаргах нөхцөл байдалд таны сэтгэл хөдлөлийн хариу үйлдлийг соёлын орчин тодорхойлдог.
• Тодорхой ур чадварыг хөгжүүлэхэд хэл яриа ихээр нөлөөлдөг.
• “Хөдөө аж ахуйн өв” соёлоос улбаатай ажлын тодорхой ёс зүй гэж бий.

Билл Гейтсийн амжилт зөвхөн түүний дотоод оюун ухаантай холбоотой бус харин нийгмийн байдал, төрсөн цаг хугацаа, технологийн дэвшлийн үетэй нэг цаг үед таарсантай нь холбоотой байсан бол яах вэ? Спорт, хувцас, программ хангамж хөгжүүлэлтийн аль нь ч бай амжилт гэдэг зүйл зөвхөн хувь хүний хичээл зүтгэлээс хамаардаг зүйл биш билээ. Матай эффект, 10,000 цагийн дүрэм, тэр ч бүү хэл хөдөө аж ахуйн өв, хэл шинжлэлийн нөлөө зэрэг хүчин зүйлийг онцолсон байлаа гээд Малколм Гладвэлл сод ухаан ямар ч хэрэггүй гэж хэлээгүй юм. Харин ч бүр дан ганц сод ухаантай байх хангалтгүй гэж үзэж байна. Үүний нэгэн адилаар тэрээр амжилт гэнэтхэн ирдэг хэмээн баталсангүй. Төрсөн хугацаа эсхүл гарал угсаа хамаарахгүйгээр амжилт гаргах боломж байсаар байгаа. Гэхдээ, илүү тохиромжтой бүх хүчин зүйлийг нэгтгэж чадвал амжилтад хүрэх магадлал ихэснэ.

Тэнцвэрт байдал нэн чухал учраас хэн нэгний амжилтын түүхийг ил болгохдоо бүх талаас нь харуулахыг хичээх хэрэгтэй. Энэ нь өөрийн авьяас чадвараа дээд зэргээр хэрхэн ашиглахыг мөн боломж гарч ирсэн даруйд үед хэрхэн шүүрч авахыг танд заана!