Наймааны урлаг

Орчуулсан: Лингостик ХХК | Орчуулгын үйлчилгээ

Цагаан ордонд Ерөнхийлөгчийн алба хашиж, “Дадлагажигч” нэвтрүүлгийг хөтлөхөөсөө өмнө Доналд Трамп Нью-Йорк хотод нэртэй үл хөдлөхийн хөрөнгөтөн гэдгээрээ алдартай байв. Тэрбээр даруухан амьдралтай нэгнээс алдартай үл хөдлөхийн хөгжүүлэгч болсноо намтартаа хуваалцаж, эхэн үеийн амьдрал, карьераа танилцуулсан юм. 

Энэхүү ном Нью-Йорк хотын захын дүүрэгт эцгийнхээ хажууд хямдхан байшин барилга барихаас эхлээд тэнгэрийн хаяаг өөрчилсөн зоригтой төслүүд хүртэлх Трампын амьдралын туршлагыг өгүүлжээ. Мөн Манхэттен дахь Трамп цамхаг, Атлантик хотын мөрийтэй тоглоомын салбарт орсон, АНУ-ын Хөлбөмбөгийн лигт зоригтой хөрөнгө оруулсан зэрэг аз туршсан, цуутай төслүүдээ Трамп номдоо эргэн дурссан юм. 

Трамп бизнесийн шийдвэрүүдийг нь тодорхойлж, карьерынх нь эхэн үед чухал үүрэг гүйцэтгэсэн арван нэгэн чиглүүлэх зарчмыг намтартаа тайлбарлажээ. Эдгээр зарчмыг судалснаар уншигч та Трампын амжилтыг бүтээсэн сэтгэлгээ, стратегиудын тухай үнэтэй ойлголт авах болно. 

Үл хөдлөхийн хөрөнгөтөн болсон эхэн үеийн карьерыг нь тодорхойлох томоохон цаг мөчүүд, ялалт, сорилтуудыг харуулах сонирхолтой аялалд нэгдэнэ үү. Бизнесийн арга барилынх нь мөн чанар болсон зарчмуудыг гүнзгий ойлгож, амьдралдаа хэрэг болох үнэт сургамжуудыг цуглуулаарай.