Урам зоригоор дүүрэн: Юберийн төлөөх тулаан

Орчуулсан: Лингостик ХХК | Орчуулгын үйлчилгээ

Энэхүү товч номыг уншсанаар та Юберийн түүх болон Силикон Валли буюу Цахиурын Хөндийд бий болж, технологийн ертөнцийг эзлэхээр цааш урагшилсан такси үйлчилгээний гарааны бизнесийн тухай олж мэднэ.

Мөн та:
● Брэндинг хийхийн чухал тал; 
● Венчур хөрөнгө оруулалтын тухай; 
● Ажилчдадаа сайнаар хандах нь яагаад чухал болох;
● Юберийн нүд хуурсан арга мэх сөрөг хүчин, хуулийн зарга, олон нийтийн өмнөх муу нэрийг давж гарахад хангалтгүй байсан тухай мэдэж авна.

Урам зоригоор дүүрэн: Юберийн төлөөх тулаанд зохиолч, Нью Йорк Таймс сэтгүүлийн сурвалжлагч Майк Исаак жижиг хэмжээний гарааны компаниас олон сая долларын хөрөнгө бүхий асар том техникийн компани болон өргөжих хүртлээ Юберийн туулсан донсолгоотой аяллын тухай тэмдэглэсэн байгаа юм. Юбер нь Сан Франциско дахь олон гарааны бизнес дампууралд орсон цэг-комын хямралын өмнөх үед амжиж өсөн дэвжсэн юм. Гол санаа нь маш үнэтэй, чанга хатуу хууль дүрэм бүхий такси үйлчилгээний салбарын хүнд сурталтай тэмцэх байлаа. Хуулийн төвөгтэй замаар явсан уг компанийн түүхэнд аюулгүй байдлын зөрчил гаргасан болон ичгүүргүй тохиролцоо хийх, зах зээлд ноёрхлоо тогтоохын тулд хувийн мэдээлэлд халдсан зэрэг олон ээдрээ, нугалаа байх ажээ.