Пиксарын түүх

Орчуулсан: Лингостик ХХК | Орчуулгын үйлчилгээ

Энэхүү товч номыг уншсанаар та компьютер графикийн хүүхэлдэйн кино хэрхэн бүтдэг талаар, мөн тун ч амжилттай яваа, олон улсын “Пиксар” кино студи яаж үүсгэн байгуулагдсан талаар мэдэж авах болно.
Мөн та:
- “Пиксар”, “Дисней” хоёрын адармаатай харилцааны талаар;
- “Тоглоомын түүх” хэрхэн бүтсэн тухай, яагаад эхэндээ тэс өөр кино байсан талаар;
- “Пиксар” юуг амжилтынхаа нууц гэж үздэг тухай;
- Энэ бизнест Жорж Лукас, Стив Жобс нар ч оролцсон талаар олж мэдэх болно.
“Оскар”-ын шагнал хүртдэг, өндөр чанартай, хувьсал авчирсан компьютер графикийн хүүхэлдэйн кино хийдгээрээ “Пиксар” алдартай. Хийсэн кинонууд нь үзэгчдийг байлдан дагуулсаар, цаашид ч ийм байх төлөвтэй. Гэсэн ч компани үүсгэн байгуулагдсан анхны он жилүүд тийм ч амар байгаагүй. Хоромхон зуурт л алдарт хүрчихсэн мэт харагдах ч тус компани үнэндээ анхны бүтээлүүд дээрээ олон жил ажилласан. Үзэгчдийн таашаалыг хүртсэн, бүрэн хэмжээний “Тоглоомын түүх” киноных нь анхны хувилбар л гэхэд дэлгэцэнд гарснаасаа тэс өөр байжээ. Гэсэн ч өнөөдөр алдарт хүрсэн “Пиксар”-ын үнэт зүйл, онцлог, хүсэл тэмүүлэл төлөвшин тогтоход энэ донсолгоотой эхлэл гол үүрэг гүйцэтгэсэн билээ. Бидний мэдэхгүй түүхийг халхалсан хөшгийг ярж, дэлхий дахинд үзэгчдийг байлдан дагуулсаар байгаа киноны гайхамшгийг хэн бүтээснийг мэдэхэд та бэлэн үү?