Хавчин загас дуулах нутаг

Орчуулсан: Лингостик ХХК | Орчуулгын үйлчилгээ

“Хавчин загас дуулах нутаг” хэмээх, сэтгэл татам номдоо Делиа Оуэнс биднийг Умард Каролина мужийн эрэг, өндөр өвстэй намаг дунд хаягдсан залуу охин Киа Кларкийн амьдралаар аялуулах юм. Киагийн амьд үлдсэн түүх, туулсан бүхнийг уншихад Оуэнсийн тод томруун дүрслэл таныг дагаж, байгалийн үзэсгэлэнд гүн автуулах болно. 

Энэхүү номд Киагийн ганцаараа өсөхдөө туулж буй шархалсан зүрхний зовлон, гунигт явдалд хүргэсэн урвалт тэргүүтэй сорилт, шаналлыг харуулжээ. Хотын уугуул иргэдийн ялгаварлал, тамлалтай нүүр тулсан ч Киа зүрх сэтгэлийнхээ асуудлыг даван туулж, бүх зүйлээ алдсан ч хайр дурлалд өөрийгөө нээх хэрэгтэй юу, үгүй юү гэдгээ шийдэх хэрэгтэй болдог. 

Оуэнсийн гарамгай хүүрнэлээр дамжуулан уншигч та Киагийн дэргэд очиж, алхам тутамд түүнтэй гүнзгий холбогдоно. Зохиолчийн яруугаар дүрслэх чадвар намагт талбайн дүр зургийг томруун харуулж, Киатай хамт тулгарсан сорилтуудыг нь давж, эргэн тойрныхоо үзэсгэлэнг бахдан явж байгаа мэт мэдрэмжийг бидэнд төрүүлэх ажээ. 

Тэсвэр тэвчээр, хайр, байгалийн сүр хүчийг нэгтгэсэн энэхүү сонирхолтой аялалд Делиа Оуэнстэй нэгдээрэй. “Хавчин загас дуулах нутаг” ном нь ганцаардал, шаналлаар дүүрэн ертөнцөд амьд үлдэх, бусадтай холбогдохыг хүссэн эмэгтэйн түүхийг яруу өгүүлжээ.