Гашуун ч амттай

Орчуулсан: Лингостик ХХК | Орчуулгын үйлчилгээ

Хүчтэй баяр баясал, гуниг, санагалзах мэдрэмжийг зэрэг мэдрэх буюу гашуун ч, амттай сэтгэл хэмээх ойлголтыг Сьюзан Кейн энэ номдоо авч үзжээ. Хайр ба хүсэл тэмүүлэл, аз жаргал ба гуниг, амьдрал болон үхлийн харилцан уялдааг тэрбээр судалж, гашуун ч, амттай мэдрэмжүүдээ хүлээн зөвшөөрөх нь амьдралд агуу учир шалтгаан, мэргэн ухааныг авчирна хэмээн баталсан юм. Нэр хүндтэй зохиолч, илтгэгч Кейн экстраверт хүмүүст таатай ертөнцөд интроверт байхын хүч чадлыг харуулсан “Дуугай” номоороо олонд танигдсан билээ. 

Энэхүү товч номоор бид хайр, хаа нэгтээ харьяалагдах хүсэл хоёрын холбооноос эхлэн гашуун ч, амттай мэдрэмжийн өөр өөр талуудыг судлах болно. Мөн хүнийг ойлгох сэтгэл, бүтээлч байдалд гуниг ямар үүрэгтэй болохыг олж мэдэх юм. Эцэст нь, амьдрал мөнх бусыг мэдэрснээр харилцаа, өдөр тутмын үйл явдлууд хэрхэн гүн утга учиртай болдгийг судлах билээ. Кейний ойлголтуудын зэрэгцээ гашуун ч, амттай мэдрэмжийн шинжлэх ухааны суурь ойлголт, түр зуурын байдлын өөр өөр өнцгүүдийг ярилцаж, гашуудлыг даван туулах стратегиудын талаар олж мэдэх юм.