Аз жаргалыг хүргэхүй

Орчуулсан: Лингостик ХХК | Орчуулгын үйлчилгээ
Аз жаргалтай байх нь бизнест эергээр нөлөөлдөг. Интернэтийн жижиглэн худалдааны “Заппос” компанийн гүйцэтгэх захирал асан Тони Шей ингэж үздэг. Жаргалтай ажилчид илүү хичээнгүй, илүү үр дүнтэй ажилладаг бол жаргалтай үйлчлүүлэгчид илүү их мөнгө зардаг. Тэгэхээр үйлчлүүлэгчдээ ч, ажилчдаа ч хэрхэн жаргалтай байлгаж, ашгаа дээд хэмжээнд хүргэх вэ? Бизнесийн эрүүл орчныг дэмжиж, үйлчлүүлэгчдээ чанартай үйлчилгээгээр хангаж, тасралтгүй боловсролд хөрөнгө оруулах гэсэн гурван зарчмыг хэрэгжүүлэх нь энэхүү асуултын хариу болно гэж Шей хэлжээ.

Энэхүү товч номоос бид эдгээр зарчмын талаар, хэрхэн хэрэгжүүлэх тухай, мөн “Заппос” арван жилийн дотор яаж тэрбум доллароор үнэлэгдэх компани болсон талаар авч үзнэ. Түүнчлэн аз жаргалын цаадах гүн ухааныг, үүнийг тууштай дагасан нь Шейг амжилтад хөтөлсөн талаар мэдэж авна.