Далд ухамсрын хүч

Орчуулсан: Лингостик ХХК | Орчуулгын үйлчилгээ

Хувь хүний хөгжлийн сонгодог ном болох “Далд ухамсрын хүч”-ээс хүний амьдралд үзүүлэх далд ухамсрын гүн нөлөөг олж нээгээрэй. Жозеф Мерфигийн үзэж байгаагаар, ил болон далд ухамсрын харилцан үйлчлэл бидний оршихуйн бүхий л хэсгийг бүтээж байдаг аж. Таны далд ухамсар тогтсон бодол санаа, гүн суусан итгэл үнэмшилд тулгуурлан хөдөлж, цаашлаад бодит байдлыг бүтээдэг. Гэхдээ ил ухамсраараа эерэг бодол, итгэл үнэмшлийг далд ухамсартаа шингээж, амьдралаа өөрчлөх хүч чадал хүнд бий. 

Энэхүү товч номд Мерфигийн гүн ухаан, бодит санаануудыг дөрвөн хэсэгт хуваалаа. Бид түүний сургаалын суурь зарчмуудыг судалж, амьдралдаа хэрэгжүүлж болох бодит стратегиудыг танилцуулна. Цаашлаад зохиолчийн санааг орчин үеийн сэтгэл зүйн судалгаа, хувь хүний хөгжлийн салбарын бусад мэргэжилтнүүдийн ойлголтуудаар баяжуулсан билээ. 

Далд ухамсрын гайхалтай боломж бололцоо, бодит байдлыг бүтээхэд ямар хувь нэмэр оруулдгийг нь олж нээх аялалд бидэнтэй нэгдээрэй. Мерфигийн хуучиршгүй мэргэн ухаан, орчин үеийн ойлголтуудыг нэгтгэснээр та оюун санааныхаа хүчийг ашиглаж, өөрийгөө хөгжүүлэх аялалд гарах бодитой аргуудыг олж нээх болно.