Амьдрах боломжгүй дэлхий

Орчуулсан: Лингостик ХХК | Орчуулгын үйлчилгээ
Уур амьсгалын өөрчлөлт таны төсөөлж байгаагаас ч аюултай. Энэхүү өөрчлөлтийг тойрсон хэлэлцүүлэгт та өөдрөгөөр ханддаг байж магадгүй. Зөв замаар явж байна уу гэж асуух нь мэдээж. Стастистикаас харвал тийм ч сайхан дүр зураг харагдахгүй нь. Агаар мандалд дэгдсэн хүлэмжийн хийн тал хувь нь сүүлийн 30 жилийн хугацаанд шатсан түлшнээс ялгарчээ. Тэгэхээр хүн гэдэг төрөл зүйлийнхээ хувиар бид хөгжлийнхөө бүх л түүхэнд учруулсантай дүйх хэмжээний хор хохирлыг сүүлийн гурван арваны турш учруулсан гэсэн үг. Өөрөөр хэлбэл, агаар дахь хүлэмжийн хийн ихэнх хэсгийг “Сайнфельд” цувралыг бүтээж эхэлснээс хойш ялгаруулсан болж таарч байна.