Бяцхан хунтайж

ЭРДЭНЭСИЙН САН - Дэлхийн хүүхдийн сонгодог зохиолын дээжис Дэлхийн 180 гаруй хэлээр орчуулагдсан “Бяцхан Хунтайж” хэмээх энэхүү бэсрэгхэн туужийн тухай маш ихийг өгүүлж болох билээ. Гэхдээ хүүхэд бүрийн, хүн бүрийн сэтгэлийг татаж чаддагийнх нь гол нууц бол хорвоо ертөнцийн болоод амьдралын мөн чанарыг маш нарийн мэдрүүлж, хүн байхын утга учрыг хамгийн гүн гүнзгий өгүүлж чадсанд юм. Бүтээлийг уншсан: Б.Дархансүх Найруулагч: Д.Баярнэмэх "М Нэмэх" студид бүтээв. Зохиогчийн эрх хуулиар хамгаалагдсан 2023 он.

Бэмби ба ойн амьтад

ЭРДЭНЭСИЙН САН - Дэлхийн хүүхдийн сонгодог зохиолын дээжис Ойд мэндэлсэн бугын жаахан ил ойн жимээр аялж, ертөнц дахинтай танилцаж эхэлнэ. Түүний эцэг эх, найз нөхөд, дайсан гээд ойн дунд аж төрөхийн утга учрыг өөр өөрийнхөөрөө нээсэн олон дүр энд гарна. “Буга бид хэнийг ч алдаггүй, гэхдээ бид хүнтэй эн тэнцүү хүч чадалтай, арга ухаантай байх хэрэгтэй. Тэд бидэнд үхэл илгээж байсан ч бид амьдрах л ёстой. Бид өөрсдийн амьдрал ахуй, удам судраа хамгаалж, ямар байсан бэ, яг тэр чигээр нь авч үлдэх ёстой. Ингэхийн тулд сонор соргог, нарийн мэдрэмжтэй, авхаалж самбаатай, ялагдашгүй байх ёстой. Гагцхүү аймхай л байж болохгүй. Энэ бол Амьдралын агуу их хууль” гэж уг номд өгүүлсэн буй. Бүтээлийг уншсан: Б.Ариунзул Найруулагч: Д.Баярнэмэх "М Нэмэх" студид бүтээв. Зохиогчийн эрх хуулиар хамгаалагдсан 2023 он.

Бяцхан дэгдээхэй, гавар хоёрын үлгэр

ЭРДЭНЭСИЙН САН - Дэлхийн хүүхдийн сонгодог зохиолын дээжис Тутта Карлсон гэгч тахианы дэгдээхэй, ХVI Людвиг нэрт үнэгний гавар хоёрын үерхлийн тухай энэ зохиолд өгүүлнэ. Үнэгнүүд цөмөөрөө ов залиараа бахархдаг бол ХIV Людвиг хэнийг ч хуурах хүсэлгүй, бүжин дэгдээхэйтэй найзалж тэдэнд эелдэг зөөлөн хандахыг хичээдэг. Тэгээд ч зогсохгүй тэр үнэгний мөнхийн дайсан тахианы дэгдээхэй Тутта Карлсонтой нөхөрлөсөн нөхөрлөл нь тэдний гэр бүлийг аварч, үнэг тахианы гэр бүл салшгүй найз нөхөд болдог билээ. Бүтээлийг уншсан: С.Цэндсүрэн Найруулагч: Д.Баярнэмэх "М Нэмэх" студид бүтээв. Зохиогчийн эрх хуулиар хамгаалагдсан 2023 он.

Гулливерийн аялал

ЭРДЭНЭСИЙН САН - Дэлхийн хүүхдийн сонгодог зохиолын дээжис Хөөрхий Гулливер торонд орсон загасны нэгэн адил эрх чөлөөгүй болсноо мэдлээ. Өөрийнхөө ийм байдалтай буйг хэсэг ажсанаа "Би чинь зүүдэлж байгаа юм биш үү" гэж бодож ч үзэв. Гэнэт хөл өөд нь нэгэн бяцхан амьтан авирч гараад, гэдсэн дээгүүр нь гүйсээр, эрүүн тус газар нь ирлээ. Гулливер тэр зүг рүү хялайн харвал цагаан дуулга бүхий чамин хувцас өмсөн, нум сум барьж, саадаг агссан бяцхан хүн зогсож байв. Үгүй мөн хачин аа... Бүтээлийг уншсан: Д.Зоригтбаатар Найруулагч: Д.Баярнэмэх "Блью Нөүтс" студид бүтээв. Зохиогчийн эрх хуулиар хамгаалагдсан 2023 он.

Женни муур

ЭРДЭНЭСИЙН САН - Дэлхийн хүүхдийн сонгодог зохиолын дээжис Энэ бол машинд мөргүүлсэн Питер хүүгийн түүх юм. Питер ослоос эдгээд босохдоо хүний хүү байхаа больж муур болсон байх нь тэр! Азаар тэр гэр бүлдээ хаягдсан Женни мууртай тааран Женни түүнд муур хэрхэн гадаах амьдралд зохицон байхыг сургана. Тэр муур хэвээрээ үлдэн Женнитэй байх уу, эсвэл эргээд хүн болон хувирах болов уу? Бүтээлийг уншсан: Б.Уламбаяр Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

Робинзон Крузо

ЭРДЭНЭСИЙН САН - Дэлхийн хүүхдийн сонгодог зохиолын дээжис Робинзон Крузо Өмнөд Америкийн эргээс хол орших эзэнгүй арал дээр ганцаар хаягдсан нэгэн далайчны түүхийг энэхүү номд өгүүлдэг. Байгаль эх түүнээс нүүр буруулан далайн хүчтэй шуурганы улмаас эзэнгүй арал дээр цор ганцаар хаягддаг. Амьдралд тулгарах хүнд бэрхшээлүүдийг сэтгэлийн тэнхээгээр даван туулж, хэрхэн амьдрах ухаанаа олж тэмцэж буйг харуулна. Эзэнгүй арал дээр урт удаан хугацааны турш амьдарч байхдаа тэр бээр махчин зэрлэг хүмүүсээс нэгэн залууг аврах бөгөөд тэрхүү залууг Баасан гэж нэрлээд өөрийн үнэнч анд, туслахаа болгож авдаг. Крузо эзэнгүй арал дээр өөрийн ая тухтай байдлыг хангахын тулд бололцоотой бүхий л зүйлээр амьдралын наад захын хэрэгцээт зүйлсээ хэрхэн хийж амжилтад хүрч байгаа тухай яруу тодоор дүрслэн үзүүлсэн байдаг. Эцэст нь хүн аливаа хүнд бэрхшээл, зовлонг хэрхэн өөрийн оюун ухаан, эр зоригийг дайчлан даван туулж болдгийг энэхүү номд сургамжтай байдлаар өгүүлсэн байна. Бүтээлийг уншсан: Б.Пүрэвдагва Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.