Зуршлын Хүч

Нью-Йорк Таймсын сэтгүүлчээр ажиллаж эхэлсэн цагаасаа хойш Чарльз Духык нь жил бүр нийгмийн чухал сэдвүүдийг хурцаар шүүмжлэн бичсэн томоохон хэмжээний нийтлэлүүдээрээ алдартай эрэн сурвалжлагч сэтгүүлч юм. Тэрээр энэхүү номыг бичихийн тулд 700 гаруй дипломын ажлыг үзэж танилцаж, 300 гаруй эрдэмтэн удирдагчидтай ярилцлага хийсэн бөгөөд олон улсын томоохон корпорациудад хэрэгжүүлсэн олон арван хаалттай судалгааны материалуудыг нэгбүрчлэн үзжээ. Үүнийхээ үр дүнд бидний амьдралын бүх хэсэгт нөлөөлөл үзүүлдэг зуршлуудыг энгийн бөгөөд төгсөөр захирч чадна гэдэг санааг дэвшүүлжээ. Тэрхүү аргаа шууд өөрийнхөө амьдралд хэрэгжүүлэн шоколадтай жигнэмэг идэх зуршлаа хаяж жингээ хасаж чадсан гэнэ. Тэрээр зуршил бол амьдралд, ажил дээр ч өөрийн хүссэн өөрчлөлтөө авчрах хамгийн том хүч мөн гэсэн дүгнэлтэнд хүрчээ. Зохиолч маань үр нөлөөтэй сэтгүүлчээс бэст селлэрийн зохиогч болтлоо амжилттай яваа нэгэн. Бүтээлийг уншсан: М. Батмагнай

Бодол биеллээ олдог

Аливааг хийхэд хүний толгойд олон бодол эргэлдэж байдаг, ялангуяа тархи заримдаа бидний бодлыг үгүйсгэж, эргэлзээнд хөтөлдөг учраас энэхүү номын жинхэнэ нэр нь өөрийн үзлийг үгүйсгэх буюу MindFuck юм. Харин хүн бид өөрийн бодол дотор өөрсдийг тань үгүйсгэсэн, эргэлзээнд хөтлөх гэсэн бодлуудаа удирдаж захирч чадвал бидний эерэг зөв бодлууд биеллээ олно.

Өөрчлөлтийг өөрөөсөө

Ихэнх хувь хүний хөгжлийн номууд шинжлэх ухааны үндэслэгүй бөгөөд мөн зөвхөн өөртөө урмын үг хэлснээр хүн өөрчлөгдөж чадна гэж заавад бол Корпорацийн сэтгэлзүйч Роб Иэнг нь хүний өөрчлөлт хүний тархитай холбоотойгоор хийгддэг. Аливаа өөрчлөлт хүний тархинд явагдах талаар туршиж судалж батлагдсан 12 техникийг аргачлал, кэйсийн хамт энэхүү номд багтаасан. Мөн өөрөө Ази гаралтай хүн учраас Ази сэтгэлгээнд тохирсон өөрчлөх техникүүд байдаг нь нилээн сонирхол татсан ном юм.

Ээж 1% өөрчлөгдөхөд хүүхэд 100% өөрчлөгдөнө

Хүүхэд яагаад хичээлдээ муу сурдаг шалтгааныг ээж нараас асуувал эцгийгээ дуурайсан болохоор тэр биз гэдэг. Гэвч хүүхдийн сэтгэхүйн хөгжлийг судлаад үзвэл эцгийгээ дуурайсан хүүхэд нэг ч байдаггүй. Харин хэн хүүхдийн сэтгэхүйг хөгжүүлсэн бэ? гэдгээс шалтгаалдаг. Энэ номоор дамжуулан гэр бүлд байгаа асуудлыг ил гарган тодорхойлж хэрхэн засах арга замыг заах болно. Энэхүү аудио номын хавсралт зургуудыг цахим хэсгээс үнэгүй татаж харна уу.

Гэрлэж амжаагүй бүсгүй танд

Үеийн залуус цугларсан уулзалт, танилцах үдэшлэг зэрэгт яваад ч нэг л сэтгэлд нийцсэн сайхан залуу олдохгүй амар биш явна уу, бүсгүй минь? Үерхэх сайт, танилцах алба гэж бүртгүүлсэн ч нэг л бүтэлтэй биш байсаар сүүлдээ өөрийгөө миний үйл хөдлөл, байгаа байдал маань болохгүй байгаа юм уу гэх мэт будилж бас ч гүй шаналж явах эмэгтэйчүүд олон бий. Найз нөхөд гэр бүлийнхний байнгын шахалт, харц дор ер нь яагаад хүнтэй суух вэ гэдгээ ч бүр будилах дээрээ тулж байна уу? Эдгээр зүйл бүсгүй танд тохиолдож байгаа бол гаднаа ч гоо, дотроо ч гоо бүсгүй та энэхүү “Гэрлэж амжаагүй бүсгүй танд” номын зохиогчийн зөвлөх Өөрийгөө хянах 38 аргаас суралцаад үзээрэй. Та зарим үед багахан ч болов завсарлага авч өөрийгөө хянаж сурснаар магадгүй жинхэнэ заяаны ханьтайгаа учрах боломжтой хэмээжээ.

Бүсгүйчүүд ургуулан бодолтоосоо чөлөөлөгдөх нь

Ургуулан бодох нь яагаад буруу вэ? Сүүлийн 40 жилд эмэгтэйчүүдийн бие даасан байдал болон ашиглаж болох боломжууд асар ихээр өссөн. Бид ямар хүнтэй үерхэх, хэзээ хүнтэй суух, хэдэн хүүхэдтэй болох, ямар ажил хийх, ямар амьдралын хэв маягийг сонгох зэрэг өмнөх үеийнхэн маань хэзээ ч эдэлж байгаагүй эрхийг эдлэх болсон билээ. Анагаах ухаан ч гэсэн хөгжиж бид илүү эрүүл саруул амьдрах аз жаргалтай, өөртөө итгэлтэй байх боломж дүүрэн болсон билээ. Гэвч бид өдөр тутмынхаа ажлаас түр завсарлан амсхийх үедээ түмэн зүйлийн бодолд автан ургуулан бодож эхэлдэг. Зүрх сэтгэл маань гунигт автах, уураг тархи маань сөрөг бодлуудад автаж сэтгэл хөдлөл маань доод цэгтээ хүрч ингэснээр бидний биеэ удирдах хийгээд сайн сайхан амьдрах чадварт хүртэл нөлөөлөх гэдэг. Бидний санаа зовж байгаа асуудлууд нь амьдралын суурь асуудлууд билээ. Би хэн юм бэ? Би юу хийж чаддаг вэ? Бусад хүмүүс намайг юу гэж боддог бол? Би яагаад аз жаргалгүй байдаг юм бэ? Гэх зэрэг эдгээр асуултуудын хариултыг олох нь амар биш байж болно. Эдгээрийн хариултыг олох гэж оролдоод бид бүүр дордуулдаг, том жижиг бүх асуудлуудыг хольж хутгаж боддог. Хүү маань яагаад хар тамхинд донтоод байгаа юм болоо? Би яагаад энэ дургүй ажилдаа байсаар байгаа юм бол? Нөхөр маань яавал намайг илүү их ойлгож хайрлах вэ? Би ээждээ яагаад уурлаад байдаг болчихвоо? Ийм төрлийн бодлууд бидний дотор үй түмээрээ орж ирэн сэтгэл санааны байдлыг бүр дордуулах гээд байдаг. Гэхдээ энэхүү номыг сонсоод бүсгүй та ургуулан бодолтоосоо чөлөөлөгдөх техникийг суралцаад зогсохгүй таны дотор ямар их хүч байдаг, өөрийгөө элдвийн зүйлээр бодолдоо зовоон байдгаа ч зогсоох боломжтой болно гэдэг итгэж байна.