Талархлын хүч

Талархлын талаарх 20 гаруй ном зохиолыг уншиж хамгийн гол гэсэн хэсгүүдийг орчуулан эмхэтгэн гаргав. Энэхүү номыг уншсанаар ганцаардал, уйтгар гунигийг элдэн хөөж, уур хилэн атаа хорслыг уучилж, айдас түгшүүрээс салах болно. Түүнчлэн хүсэл эрмэлзэлтэй болж, мөрөөдлөө биелүүлэх эрч хүчийг олсноор энгийн жижиг зүйлд ч талархах дадал бий болно.

Санахын хязгаар

Энэхүү роман нь “Сэтгэлийн хязгаар буюу Сүүжин ээмэгт Ксения” романы 2-р дэвтэр юм. 2019 онд 1-р дэвтэр нь хэвлэгдэж байсан энэхүү зохиолын гол дүр нь Ксения Жеррзи буюу еврей гаралтай орос эмэгтэй билээ. Тэрээр уран барималч бөгөөд хуучнаар Ленинград хотын Уран баримлын дээд сургууль төгссөн. Манай Монголын хүүхдийн паркийн ихэнх баримлуудыг барьсан бодит эмэгтэйн түүх юм. Ксения Москва хотын Хилийн цэргийн командын дээд сургуулийн сонсогч Соронзтой хайр сэтгэлийн холбоотой болсноор бүх зүйл эхэлдэг. Хилчин тагнуулч Соронз тусгай ажиллагаанд явснаар үйл явдал үргэлжилнэ. Нэгдүгээр дэвтэрт хилчин тагнуулч Соронз Хятад улс руу хүний наймаа хийхээр явж байсан хил зөрчигчтэй тулгарч амь насаа алдаж буйгаар төгсдөг бол эдүгээ хэвлэгдээд байгаа хоёрдугаар дэвтэр “Санахын хязгаар” романд аль хэдийн үгүй болсон гэж бодож байсан хилчин тагнуулч залуу маань амьд байснаар зохиол эхэлдэг.

Усгал 2 - Би юу эрнэ вэ?

Энэ зохиол яг уран гулгалтын гайхамшгийг үзүүлж байх шиг, тэнгэрийн ягаахан хаяанд бүжигч бүсгүй зөвхөн надад зориулж Од-той хамт бүжиж байгаа мэт мэдрэмж төрүүлнэ. Бүтээлийг уншсан: М.Батмагнай Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2024 он.

Сэтгэл үү, сэрэл үү?

Гэр бүлээс гадуурх хосын харилцаа юунаас болж үүсдэг вэ? Тэд сэрэл мэдрэмжээсээ болж уулздаг уу эсвэл сэтгэлээсээ гарах нандин мэдрэмжид захирагддаг уу? Эрэгтэй эмэгтэй хүмүүсийн сэтгэлийн торгон мэдрэмж гэр бүл, хосуудын харилцааг уран сайхны аргаар харуулахыг зорьсон ном юм.

Нарны нутаг

Нарны нутаг - Хоймсон роман дэд дэвтэр Хүний нутагт таван жил үүрэг гүйцэтгээд ирж буй мэргэжлийн тагнуулч Дэндэвийн хөмхийгөө зуусан хүрлэгэр хүрэн царай ягуухан цэлмэж, хил хүртэл гаргаж өгөхөөр араас нь дагасан өвгөн хятад Жао овогтыг эргэн харахад тоосрон цэлийх харийн нутгийн тэнгэр дор бөртийх бараа үзэгдсэнгүй... Бүтээлийг уншсан: М.Батмагнай Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2024 он.

Гэсгээгсэд

Бүхнийг хахууль, эрх мэдлээр олж авдаг Бадарч хүү Дэнхээнийгээ сургууль төгсөхөд нь мөн л ар өврийн хаалгаар хөөцөлдөж байж ажил, байр орон сууцыг нь бэлдэж өгнө. Эх нь хээр алаг бол хүү нь шийр алаг гэдэг. Дэнхээн цаашид хэрхэх бол... Хөөрхий сайхан сэтгэлт гэнэн охин Навчаа Дэнхээний эхнэр болох болов уу? Эх хүн агуу хайр, сэтгэлийн дулааныг энэ зохиолоос сонсоорой.

Улаан даашинзтай бүсгүй

Улаан даашинзтай бүсгүй роман нь Цагаан цувтай бүсгүй романы 2 дэвтэр бөгөөд хайр дурлал романтик үйл явдлууд гардаг зохиол юм.

Гүний нутаг

Дорнын их талд амьдарч ирсэн Халх, Буриад, Дарьганга, барга ястан уугуул Монгол түмний эрэмгий омголон эрчүүдийн үерхэл нөхөрлөл, түүхийн шуурганд ганхсан хар дарсан зүүд шиг хэлмэгдлийн он жилүүдэд хэрхэн зовж шаналж явсаар үртэй хүн үгүйрдэггүйн үлгэрээр ардын амьдралын тухай сэтгэл догдлом өгүүлжээ. Бүтээлийг уншсан: М.Батмагнай Найруулагч: Д.Баярнэмэх "MBOOK" студид бүтээв. Зохиогчийн эрх хуулиар хамгаалагдсан 2023 он.

Эсрэг 5

“Тэнгэрийн улаач” цувралын үргэлжлэл зохиол. Эсрэг цувралын 5 дахь дэвтэр.

Цөлд ургасан сарнай

Урьд өмнө нь эр хүнд сэтгэлийнхээ жолоог алдаж яваагүй бүсгүй нэгэн залуугийн халуун хайранд татагдан, тааварлашгүй тавилантай учирна. Цагийн их долгисол хувь хүний амьдралд хэрхэн нөлөөлсөн хийгээд, хүн хэвээрээ үлдэх үү, ашиг олон ядагч болох уу гэсэн олон сонголтод алд бие, амь насаараа дэнчин тавих ч ойрхон байв. Эмэгтэй хүний уян зөөлөн сэтгэл, ээж, аавын элбэрэл хайр, хаан хуурын хамгийг уяраан дагуулах уран яруу ид шидийн мэдрэмж, үрээ гэсэн сүүн сэтгэл хүнийг гуниг гаслангийн балчиг намгаас татан гаргаж, гэрэл гийсэн амьдрал өөд өргөн дэвжүүлдгийг Сарнай бүсгүйн адал явдал, дурлал хайр дүүрэн амьдралаас таалан сонсоно уу.

Хөх толбот элч

Одоогоос, өнгөрсөн 900 жилийн цаадах руу өнгийж, тухайн үеийн Монголчууд өөрийн биеэ, сэтгэл, ахуй амьдралаа хэрхэн төвхнүүлж, засаж сайжруулдаг тухай. Мөн өөрийн хойч ирээдүйгээ хэрхэн бэлдэж хүчирхэг нэгэн болгож буйг уран сайхны аргаар бичсэн болно. Энэхүү номоос Монголчуудын ахуй амьдрал, тэнгэр, уул устайгаа харилцах ариун нандин харилцаа, эрүүл мэндээ засах дом, аргууд, хүүхдээ хүмүүжүүлэх арга барил, хүчирхэг бие хүн болох Монгол гүн ухааныг мэдэж авах болно.

Цагаан нөмрөг

Цагаан нөмрөг нь зохиолч өөрийнхөө бодит амьдралаас сэдэвлэн бичсэн ихэр хөвгүүдийн ээдрээт хувь заяа, хайр дурлал, ухаарал гэмшлийг уран сайхны аргаар харуулсан уянгын роман юм. Эцэг эх байхын үүрэг хариуцлага хийгээд өнөөгийн нийгэмд үзэгдэж буй үйл явдлын сайн муу талыг нь тусгаж уншигч сонсогчдод хүргэхийг зорилгоо болгожээ. Гол дүрүүдэд мэс засалч, эх баригч эмч нарын дүр болон бусад дүрүүдээр үйл явдал нь өрнөх аж. Хүү нь төрсөн эцгээ танихгүй хүнд хагалгаа хийх бөгөөд ихэр хөвгүүд хорин жилийн дараа уулзаж байгаа гэх зэрэг сонирхолтой үйл явдлуудаар дүүрэн зохиол юм.

Мөрөөдөгч 2

Мөрөөдөлдөө хүрэх аргачлалыг уран зохиолын аргаар илэрхийлсэн ном. Гол дүрийн баатар маань олон зүйлийг туулж унаж босож явсаар мөрөөдөхөд ямар чадвар хэрэгтэй вэ гэдгийг олж мэднэ. Угтаа бол мөнгө, мөрөөдөл хоёрыг мөр зэрэгцүүлж битгий бодоорой. Мөрөөдөл чинь хаан сэнтийнх. Мөнгө чинь харц сэнтийнх. Хаан хаашаа, харц тийшээ гэсэн агуулгыг гол дүрийн амьдралаар харуулна. Мөрөөдлөө тэжээж, хүндэтгэж, мөрнөөсөө дээш байршуулж, хэн дуртай нь гар хүрэхээргүй, хэзээ ч газарт унахааргүй, тэнгэрт ойр байршуулан, тэтгэж, тэмцэж амьдарвал бодит болдог гэдгийг сэтгэл судлалын шинжлэх ухаан, хувь хүмүүсийн туршлага, бодит факт, баримт дээр тулгуурлан бичсэн ном учир төөрсөн, төөрөлдсөн, өөрийгөө хайж буй хэн нэгэн уншвал хариултаа олж авч болох юм. Тус ном танаас олон асуулт асуух болно. Та орчлон дээр онцгой өгөгдөлтэй ирсэн гэдгээ хүлээн зөвшөөрөх үү? Мөрөөдөл "амьтай" гэдэгт итгэх үү? Мөрөөдөхөд тусгай чадвар хэрэгтэй юу? Дээрх асуултуудын хариултыг олохыг хүсвэл МӨРӨӨДӨГЧ 2 номыг сонгон сонсоорой.

Ял тулгасан замбуулин

Зохиолч өөрийнхөө туулж өнгөрүүлж буй амьдралыг үнэн бодитоор, адал явдалтайгаар хүүрнэн өгүүлсэн болно. Өнгөрсөн үед болж өнгөрсөн хэлмэгдүүлэлт одоо цагт хэрхэн явагдаж буйг энэ номоос мэдэх болно.

Хорсол 3 ба Хохирогч

ХОРСОЛ 3 зохиолын шүлэг (ҮХЭЛТЭЙ ДАХИН НҮҮР ТУЛАВ.) Төрд өргөсөн тангараг минь Там руу намайг хөтлөв. Түмнээ гэсэн сэтгэл минь Үхэл рүү намайг дагуулав. Атаат дайснууд минь санаа нэгдэж Амийг минь тас татахаар сэм хуйвалдав Аглаг ой руу авч очив Ахан дүүсийг минь мал шиг л хороов. Азаар би амьд үлдэв. Амьдралаа тэднээс авахаар шийдэв. Алаг зүрхэнд минь хорсол буцалж Ассан гал шиг би хилэнгээр дүрэлзэв. Алдархан үрсийг минь хагацалд унагав. Алаг нүднээс нь нулимс урсгав. Амиа өгсөн ч хамаагүй би Амьдралаа тэднээс заавал авна Гэмгүй хүнийг хэрэгтэн болгож Гав гинж зүүхээр яарав Хилс хэрэгт гүтгэн унагаж Хэл чимээгүй хороохоор хөдлөв Хэнийг ч мэдэхгүй хоосон газарт Хороож тэд булхаар шийдэв. Гэвч надад тэднээс илүү туршлага байв Гар нийлэх гал цогтой дүү нар ч байв Үхэл намайг тоогоогүй ч өөрөө би үхэл болов. Үүрдийн юм шиг амьдралыг нь зуурдын болгохоор өдөр шөнөгүй бодож эхлэв Мэргэн санаагаар тэднийг урхидаж Мэхт мэхэнд нь хольж орхив Маргаан гарч дотроосоо хагарав. Миний ажил одоо л эхлэв. Өрөвдөх сэтгэлгүй шулам болов Өшөөгөө авахаар улайран тэмцэв. Өр зүрх минь хорсолд автаж Өнөөдөр би бүгдийг дуусгахаар Үхэлтэй дахин нүүр тулав. 2023.09.22. БАТЗУН