Бодол царцааж, тархи гашилгах "Хүйтэн түүхүүд"-ээрээ эргэн уулзаж байгаадаа бид маш их баяртай байна. Эгэл хүний санаанд багтамгүй, дайсандаа ч хүсэмгүй цус царцаам түүхүүд таны сонорыг мялаахад бэлэн боллоо. * Сэтгэлийн шаналлаасаа салахаар шийдсэн бүсгүйн аялал түүний өмнө татсан худлын хөшгийг ярж, үнэний наран гийх цагт үхэл хүртэл түүнд аврал шиг санагдана. Зулай зулайгаа гишгэж төрсөн ах дүү нарын мөн чанар ээжийнх нь үхлээр танигдаж, ахархан бодол, айдасгүй шуналаар амин хайртай хүмүүсээ арилжих хаалганы цаана буй харанхуй амьдралын тухай өгүүлнэ. * Шимтэн сонсдог бүх сонсогчдодоо чин сэтгэлээсээ талархъя. Та бүхэн сайхан наадаарай.

2000-аад оны үед манай улсад хүүхдийн хулгай, наймаа зэрэг гэмт хэргүүд олны чихийг дэлсэж эхэлснийг та бүхэн санаж байгаа биз ээ. Тухайн үед тийм тохиолдлууд бүгд хүний наймаа байгаагүй нь лав. Энэхүү зохиолд эцэг эх нь хайхардаггүй, халамж тавьдаггүй хүүхдүүдийг хэрхэн олзоо болгож авч амийг нь авч байгаа цуврал алуурчныг барихаар зүтгэх Тунсаг мөрдөгчийн адал явдал гарна. Алуурчдыг голчлон эцэг эх бэлдэж өсгөдөг гэдэгт та санал нийлэх үү ?

Хараал гэж үнэхээр байдаг уу? Эсвэл зөрж өнгөрсөн нэгний хорссон харцнаас үсэрсэн оч юм болов уу? Хүний ганц үр Нандин-Эрдэнэ нас биед хүрэхийн цагт аавын хүүд дурлаж, сэтгэл татагдсан нь хамаг гайн үндэс болж ирэв. Тэднийх гэдэг айлыг нутаг нугынхан “Шулам” гэж ихээхэн жигшиж, үг солих битгий хэл зөрөхийн зуур нулимж, сэжиглэдэг байв. Харин энэ чадвар нь эх, охин хоёрын амийг аврах уу, эс бөгөөс.... Таныг хүндэтгэсэн ХАЙТАН SAUDIO

Энэ бол Мэргэн. Тэрээр мэдлэг чадвартай, мэргэжилдээ сайн эр. Түүний гараас мултарсан хэрэгтэн үгүй. Гэсэн ч энэ бүхний эцэст хэчнээн өндөр төлөөс төлж, ямар үнэт зүйлээ алдсаныг хэн ч мэдэхгүй. “Энэ тамхийг хамгийн хэцүү үедээ татаарай” гэсэн захиасыг Мэргэн санаж, олон жил халаасанд нь явсан тамхины эцсийн нэг ширхгийг асаан, нэмэлт хүч хүлээн суулаа. Ээдрээтэй, адармаатай хэргийн тухай сонсож, тархиа гашилгах дуртай сонсогч танд зориулав. Таныг хүндэтгэсэн ХАЙТАН SAUDIO

Байгал хамгаалагч өвгөн хулгайчид ой модонд мод бэлтгэж буйг дуулаад тэр зүг мордоно. Ингэж явахдаа өлгийтэй хүүхэд олж гэртээ авчирдаг. Бүх насаараа хүүхдийн хүслэн болсон хоёр хөгшин хүүхдийг өөрийн үр мэт хайрлан өсгөдөг. Энэ хооронд хүний санаанд багтаж, сэтгэлд буумгүй явдлууд ар араасаа цуварч, амиа авч үлдэхийн төлөө, үр хүүхдээ хамгаалахын төлөө эцэг эх болсон хоёр хөгшин хэрхэн тэмцэж буйг “Согоомаа” бичвэрээс үргэлжлүүлэн сонсоорой. Тус бичвэр нь ХАЙТАН нэрээр бүтээл туурвиж эхэлснээс хойш хамгийн эрэлттэй бичвэр болсон. Энэ удаад SAudio-той хамтран тус бичвэрээр таны сонорыг мялаахад бэлэн боллоо. Та таалан соёрхоно уу. Хүндэтгэсэн Хайтан, SAudio

Гэрийн үйлчлэгч аймшгийн зохиол...

Хүнбиш бол хийдийн хатуу дэг жаягийг дураар зөрчиж, сахилгын өрөөнөөс салахаа байсан нэгэн билээ. Гэсэн ч түүнд бурхан билэг авьяасыг гамгүй заяажээ. Сураг алдарсан ахынхаа араас юуг нь мэдэхгүй зүйлтэй тулахаар яваа Хүнбиш эргэж ирэх болов уу... Хайтангийн шинэ бүтээл танд хүрэхэд бэлэн боллоо. Оюун санаагаа чилээж, олон явдлын дунд төөрч будилж бичсэн бичвэрийг минь таалан сонсоод, санал сэтгэгдлээ илгээгээрэй. Таны сэтгэгдлийг хүлээн авахдаа ямагт баяртай байх болно. Таныг хүндэтгэсэн ХАЙТАН SAUDIO

Банхар нохойн бяцхан гөлөг өөр шигээ жаахан эзэн Дэлдэнгээ даган шогшино. Сүүлээ шарвагануулан хөдөлгөж ахуйд Дэлдэн жижигхэн хуруугаа амандаа нааж "Чишшш... Банхараа айлын эзэн чамайг мэдчихвэл уурлана шүү. Чимээгүй..." гэв. Банхар яаж хүний хэл мэдэх билээ. Эзнийхээ байр байдлыг харж, толгойгоо гилжийлгэн гайхаж суухуйд охины араас улаан туяа татаж, үхээрийн муухай царайны нэг булан өнгийгөөд ирэв. Банхар харсан даруйдаа чимээ өгөн хуцавч, нэгэнт хүний хэл мэдэхгүйн учир удахгүй тохиох муу ёрыг хэлж анхааруулж чадсангүй. Биедээ баймгүй зоригтой Банхар гөлгөнд тохиох тэр аймшгийг та Хайтан зохиолчийн "Банхар" бичвэрээс хүлээн авч сонсоорой.

Тусгай сургуулийн хөгжлийн бэрхшээлтэй, бүтэн өнчин охид нэг нэгээрээ ор сураггүй алга болж эхэлнэ. Онц ноцтой гэмт хэрэгтэй тэмцэх хэлтэс бүтэн 10 сар ажилласан ч ахиц гарахгүй байв. Шинэ эргэлт гаргахын тулд тэд чадварлаг криминологич бүсгүйг хэрэгт татан оролцуулна. Тэр сургуулийн нууцыг тайлж, ажилчид болон захирал энэ хэргийн ард байгаа эсэхийг илчлэх ёстой. Гэвч үнэн аймшигтай, төсөөлснөөс ч илүү хорон байлаа...

Хүсэлжин бол бүтээлч, алдартай зохиолч. Гэвч түүний амьдралд нөхөртэйгөө олон жил хүүхэдгүй амьдарсан шаналал гүн сүүдэр мэт дагалдана. Сүүлийн үед тэр нэг аймшигт зүүдийг дахин дахин давтан зүүдлэх болжээ: хүүхдийн инээд, үерийн ус, живж буй охин... Анхандаа зүүд төдий мэт санагдсан энэ дүр зургууд аажмаар бодит амьдрал дээр гарч ирж эхлэхэд Хүсэлжин өөрөө ч ялгаж чадахаа больдог. Зүүд үү, эсвэл сэрүүн бодит амьдрал уу? Түүний айдас, хайрын дурсамж, сэтгэлийн шарх нэг нэгээрээ ил болж, эцэстээ ганц асуулт үлдэнэ: Зүүдлээд байгаа нь аймшиг уу, эсвэл үнэн үү?

Зэрэгцэн орших түмэн хүний дотор ахин давтагдашгүй бодол эргэлдэж, олон зүгийн санаа ургана. Үүнийг дагаад тэдний дотор диваажингийн их гэрэл гийх, эс бөгөөс тамын гал дүрэлзэн шатах нь ээлжлэн оршиж байдаг гэх… Ертөнц бол хүн. Хүн бол ертөнц… Түүхийг тэд л бүтээнэ. Хайтангийн шинэ бүтээл танд хүрэхэд бэлэн боллоо. Оюун санаагаа чилээж, олон явдлын дунд төөрч будилж бичсэн бичвэрийг минь таалан сонсоод, санал сэтгэгдлээ илгээгээрэй. Таны сэтгэгдлийг хүлээн авахдаа ямагт баяртай байх болно. Таныг хүндэтгэсэн ХАЙТАН SAUDIO

Талийгчийн араас буян үйлдэхээр цугласан нэг гэр бүлийн гишүүд санаанд багтамгүй аймшигтай зүйлтэй учрах болно. Шинжлэх ухаанаар үл тайлбарлагдах үйл явдлууд тасралтгүй үргэлжилж, хүний амь дээсэн дөрөөн дээр дэнжгэнэх цаг тулж ирэв. Бүх залуу насаа театрын тайзан дээр өнгөрөөсөн бүсгүйн амьдрал насан өндөр болж дууссан цагт хүн бүр нууцыг нээх болно. Гэхдээ үхлээр бүх зүйл дуусна гэж үү? Энэ асуултад сонсогч та ч хариулах гээд оролдоод үзээрэй. Үхлээр бүх үйлийн үр, өшөө хорсол тайлагдана гэж үү?...

Би гавьяаныхаа амралтад гарсан хүн. Намайг урьд хүчний байгууллагад ажиллаж байхад олон сонин жигтэй хэрэг явдлууд гарч байснаас та бүхэнд сонирхуулъя. Эдгээр хэрэг явдал бүгд хувь хүн миний хувьд ээдрээтэй, харуусал гунигтай түүх юм. Үнэрч нохой...

- Толийг би сонсож чаддаг. Толин дотроос надтай ярьдаг. Би толинд цус өгдөг. Хурууныхаа өндгийг зүсэж цус гаргаад тэгээд толин дээр дусаана. Тэгээд хүслээ хэлнэ. Тэр нь яагаад ч юм биелчихдэг. Гэхдээ ааваа тэр үед би маш ууртай байсан. Бас их гомдсон байсан. Миний санаанд хамгийн муу муухай бодлууд эргэлдэж байсан. Тэгээд л би тийм аймшигтай зүйл хийхийг хүссэн. Одоо би тийм зүйл хийсэн өөрөө өөрөөсөө ч айж байна... гэхэд Баясгалан охиныхоо мөрөн дээр халуун гараа тавьж тайвшруулаад: - Зоригтой бай! Чи одоо ганцаараа биш. - Толь дараа нь нэг л хачин болчихсон.... - Юу нь? Яагаад? - Яагаад гэдгийг мэдэхгүй ээ. Толин дотроос гар гарч ирээд намайг тийшээ чирдэг. Толины тусгал дээр том нүд гарч ирээд намайг хайдаг. Би байхгүй бол миний хайртай хүмүүсийг тийшээ авч явна гэсэн. Тэднийг ч хүртэл толь харж л байгаа. - Тийшээ гэж хаашаа? - Там руу... Толь өөрийгөө тэндээс ирсэн гэсэн. Таныг хүндэтгэсэн, ХАЙТАН SAUDIO

Сум тэр чигтээ айдаст автлаа. Эгэл жирийн бор амьдрал зогсоо зайгүй буцалж асан газар нар шингэмэгц хүний хөл тасарч, дэлгүүр хоршоо үүдээ барих болжээ. Үер болж, гамшиг нүүрлээгүй атал ингэж хөл хорих болсон нь учиртай. Гэгээ тасрав уу үгүй юу хөлтэй бүхний баруун тийш зүглэх хэрэггүйг дор бүрнээ анхааруулж шаардах нь өнөөх гай дагуулсан ганц модноос болсон нь мэдээж. Хонио хариулж явсан хүү нойроо харамлан эвшээсээр яваад ганц модны бараа харчхаж гэнэ. Ганц модны тухай ярих томчуудын яриаг сонсож мэдээгүй хүү ийн энд ирчихжээ. Магад хэрэгт дурлаж, зах зухаас нь ч атугай сонссон бол арай өөр тийш зүглэх байсан нь гарцаагүй. Юмны эгзэг таарна гэж ийм айхтар аж. Модны бараа харсан хүү баярлаж, сүүдэрт нь очиж жаахан ч атугай амраад авъя гэж санав гэнэ. Аянгад ниргүүлж, тэг дундуураа салж унасан энэ модны сүүдэр гэж хурц нарнаас хүүг арай ядан халхлахаар харагдсан ч хүү шилбүүрээ барьсаар гүйхээрээ очжээ. Модруу ойртох тусам сүүдэрт нь дээш харж хэвтсэн хүний дүрс тодрон харагдав. Өөрөөс нь өрсөөд хэн нэгэн очоод хэвтчихэж гэж санахад хөл нь удааширч эхэлжээ. Гэсэн ч хонь нь нэгэнт тогтсон тул сүүдэр газар олохгүй бол өдрийн ид халуунд байж суух газаргүй болно гэж бодсоор модруу чиглэн алхахаа зогсоосонгүй. Дөхөж очих тусам хачин сэжиг төрөөд болж өгсөнгүй. Модны сүүдэрт унтаж буй хүн атал дээл хувцсаа сугалдаргалж нимгэлээгүй байх бөгөөд ядаж бахиа гутлаа ч тайлаагүй дээш харж тэрийн хэвтсэн чигтээ огт хөдөлгөөнгүй хэвээр. Хүү чимээ өгч ханиав. Мөн л хөдөлсөнгүй. Толгой хавьд нь өргөн зүйл газар зоогдсон байхыг хараад улам их гайхжээ. Монгол хүн хөрөө хүрзээ газар зоолттой орхидоггүй домыг санаж багахан бухимдангуй байхдаа ахин ханиалаа. Бүр таг. Шилбүүрээ дээр эргүүлэн дэгдсээр очоод таг гацжээ. Үеийн хүүхдүүдэд нь үргэлж зодооны элдэв түүх, ойр зуурын сонин ярьж, чихийг нь мялаадаг ахынх нь толгой биеэсээ салж алхам хэрийн газар өнхөрсөн байх нь юун түрүүнд харагджээ. Харин хэнхдэг цээжнээс дээшлээд хүзүүтэй дөнгөж золгодог эгэм хавийн уулзвар дээр модны нарийн гар хөрөөний үзүүр газар хүртэл нэвт зоогдсон байх нь тэр. Хүү байдгаараа хашхирч гүйсээр, гэрийнхээ үүдээр ороод бүтэн амьсгал ч авч чадалгүй хялайн унаад өгч. Нойроо харамлан харамласаар байхад хөөж туух шахам гаргасан ээж нь хар толгойгоо шаав. Арай гэж ухаан ороод ирэх үест юу болсныг нь асуухад хүү ганц модны зүг гараараа заасаар “Толгой.. Толгой өнхрөөд.... Хүн үхчхэж...” гэхээс өөр зүйл хэлсэнгүй. Аав нь тэр дороо мориндоо үсрэн мордоод ганц модны зүг давхижээ.

Орчлон ертөнц зөвхөн та бидний харж мэддэг шиг байдаггүйг мууртай Эмээ надад таниулсан. Өдөр бүрийн эгэл жирийн амьдралаас ялгамжтай амьдарч ирсэн эмээгийн тухай нэг ч гэсэн илүү хүнд хэлэх гэсэндээ энэ тэмдэглэлийг бичиж эхэллээ. Хайтан зохиолчийн шинэ бичвэр таныг 90-ээд оны хүүхэд насанд тань эргэн аваачиж аймшиг мөн адал явдлыг танд мэдрүүлэхэд бэлэн боллоо, Хэрэв та бэлэн бол чихэвчээ зүү...

Ижийтэйгээ хамт амьдарч хоёулхнаа мэт өнгөрүүлсэн амьдрал нь нэг л өдөр дуусгавар болох үед хүү эхийгээ эргэн амьдын ертөнцөд авчрахыг хүснэ. Энэ хүсэл барилгын хятадын амнаас унасан хэдэн өгүүлбэрээс л ундарч гарч иржээ. Гэтэл амьдрал гэдэг үргэлж үр дагавартай, төлөөстэй байдаг хойно хариуд нь юу өгөх хэрэг гарах вэ ? Ямар үнэ хүрэх бол ?

"Хандаа... Тэгвэл хойд насандаа хүртэл учиръя. Чамайг би энэ насандаа хайрлаж ханахгүй байвал хойд насандаа ч бас хайрлая. Чамайг гомдоож, өвтгөж, уйлуулж байсан хүмүүсийг марталгүйгээр хойд насандаа хариугаа авъя. Яагаад гэхээр энэ насандаа хүнд муу санаж, хорсож авахад даанч богино хугацаа үлдсэн юм шиг санагдаад байна. Тэр жаахан хугацаагаа зөвхөн хүү та хоёрыг л хайрлаж өнгөрөөе... гэвэл Хандаа инээмсэглэж: - Яасан айхтар бодол вэ? ... гээд инээж суутал морин төвөргөөн ойртож буй чимээ гарав..." Харин сонсогч та, хойд нас бий гэдэгт итгэдэг үү? Хайтан зохиолчийн шинэ бичвэр аудио ном болон таны сонорт хүрэхэд бэлэн боллоо. Чихэвчээ зүү...

Дарь урьд ийм асуудлын талаар сошиал ертөнц дээрээс уншиж мөн танилаасаа сонсож байсан ч өөр дээр нь ингээд ирнэ ээ гэж зүүдлээ ч үгүй явжээ. Танил нь өөртөө тохиолдсон явдлаа хэлж "Би яах ёстой вэ ?" гэж асуухад нь Дарь "Мэдэхгүй юм даа, надад тохиолдож байгаагүй болохоор сайн хэлж мэдэхгүй нь. Гэхдээ чи илүү их л хайрлах хэрэгтэй байх даа" гэж хэлж байж. Харин одоо Дарь энэ үгээ өөртөө хэлэх цаг болжээ. Хамгийн их итгэж найдсан эр нөхөр нь түүнийг ингээд орхиод явчихна гэж даанч санасангүй...

Энхжин охиноо хайрлан, шинэ амьдрал эхлүүлэхээр оролддог. Гэвч өнгөрсөн дурсамж, хар дарсан зүүд, хий үзэгдлийн мэт мэдрэмжүүд түүний амар тайван амьдралыг нурааж эхэлнэ. Бодит уу, зүүд үү? Үнэн үү, төөрөгдөл үү? Хамгийн хайртай хүнийх нь инээмсэглэл ч хий хоосон санагдах тэр агшинд... Энхжинг юу хүлээж байгаа бол? Энхжингийн дотоод ертөнцөөр аялж, сэтгэлзүйн айдастай нүүр тулгараарай.

Үнэн сэтгэлээсээ хайрласан залуудаа үхсэн хойноо ч хоргодож, хамт авч явахыг хүссэн нэгэн бүсгүйн сүнс аймшигт шуналдаа автаж эхэлнэ. Гэвч түүний хүсэл ердийн нэг хоргодол байсангүй, харин хорон муу ёрын зүйл байлаа. Эр хүний атгасан гар шиг хэмжээтэй шижир алтыг тойрон хачин жигтэй, золгүй явдлууд ар араасаа хөвөрнө. Үхэл, шунахай сэтгэл, харамч хүслийн хараал хэнийг ч өршөөхгүй. Хайр гэж юу вэ? Өөрийн хүслийн төлөө бусдыг золиослох нь хайр байж чадах уу? Эсвэл энэ зүгээр л хүн төрөлхтний эцэс төгсгөлгүй шуналын нэг илрэл үү? Айдас төрүүлэм энэ өгүүллэг хайр, шунал, үхэл гурвын хоорондох заагийг баллаж, хэн ч хэзээ ч олж мэдээгүй нэгэн харанхуй нууцыг дэлгэнэ...

Сүнс арилавч хүсэл үлдэнэ. Үрээ гэсэн эхийн сэтгэл энэ насны амьдралд хоргодон үлдсэнээр амьд хүмүүст заналхийлж эхэлнэ. Галзуу Галингаа эхийн зөнгөөр үрээ таньж, авахаар хичээн буйд нөгөө талд үрээ алдсан эх амьд үлдэхээр тэмцэн буй тухай "Хүний ганц охин" бичвэрт өгүүлнэ. "Хүний ганц охин бол тэр гэрийн нандин эрдэнэ, гийгүүлэх ганц наран байдгийн учир сувдаа нуусан хясаа мэт хайрлан энэрэхдээ богино хавирга ч өгдөггүй учиртай. Гэтэл..."

Зохиолч Хайтангийн нэр өгч чадаагүй нэгэн бичвэр та бүхэн хүрэхэд бэлэн боллоо. Нэрлэж чадах эсэхдээ бус зориг л хүрээгүй юм... Та бүхэн таалан соёрхоно уу.

"Гуравласан аймшиг" ном нь Гуулин саран, Ганц мод, Жин жин гэсэн гурван зохиолоос бүрдэх ба зохиолууд хоорондоо үргэлжилсэн холбоогүй бөгөөд тус тусын цаг хугацаанд үйл явдал өрнөнө. Энэ зохиолууд дундаас онцлох нь Гуулин саран зохиол дээр Монгол ардын "Мандах нар" дууны түүхийг холбосон нь сонсогч таны сонирхлыг ихэд татна гэж бодож байна. Бусдад итгэж найдсан найдвар толгой цустаж, Үйлийн үр эзнээ хэдэн зуун дамнаж дуудан далласаар, Үрээ алдаж амрагаа хөнөөсөн нэгнийг балаг тойрохгүй нь лавтай.

... Хэдий өөрсдийг нь гэмтээж, бүрэлгэхээр хар санаа агуулж байсан ч гэлээ сайн санаж, ар гэрийнхэн нь түүнийг хайж байгаа тухай хэл дуулгав. Харин Дөвчин түүний яриаг сонсох нь битгий хэл хэдийн элий балай болчхоод өөдөөс нь шүдгүй амаараа жайжийн инээж байх нь тэр... Хайтангийн шинэ бүтээл танд хүрэхэд бэлэн боллоо. Оюун санаагаа чилээж, олон явдлын дунд төөрч будилж бичсэн бичвэрийг минь таалан сонсоод, санал сэтгэгдлээ илгээгээрэй. Таны сэтгэгдлийг хүлээн авахдаа ямагт баяртай байх болно. Таныг хүндэтгэсэн ХАЙТАН SAUDIO Төгсгөлийн дуу: Galt x Enkhzaya - 'Nuugdaj togloy'

Үйлэнхээ охин ар гэрийн хүчирхийллээс үүдэн аргагүйн эрхэнд гэрээсээ явдаг. Ийн явахдаа байрлаж ажиллах боломжтой ажил хайж яваад Баярмаатай холбогдох бөгөөд Баярмаа түүнд маш боломжийн ажил санал болгодог. Үйлэнхээ өвчтэй ээжийгээ асарч дадсан учир Баярмаагийн санал болгосон ганц бие, хэвтрийн хөгшнийг асраад санаанд оромгүй өндөр цалин авах нь алдаж болохгүй боломж шиг санагдсанаас үйл явдал эхэлнэ. Тодорхой дүрмүүдийг баримтлахаар ажилтны гэрээнд заасан нь даанч сонин. Гэхдээ тэр дүрмийг дагахгүй бол юу болохыг ч хэлсэнгүй. Энэ мөчөөс хойш учир нь үл ойлгогдох явдлууд ар араасаа цуварч, санаанд багтамгүй аймшигтай явдлууд үргэлжлэх болно. Эцэстээ хүсэл шуналаас үүдэлтэй энэ хэрэг хэрхэн тайлагдах бол...

Үл тайлагдах хачин жигтэй үйл явдлын хохирогчдод тусалж, учир шалтгааныг тайлж өгөх нь энэ зохиолын гол дүрүүд болох хөгшин эр мөн түүний шавь залуухан эрийн ажил билээ. Өдөр бүр өөр өөр хүн, өөр өөр хэрэг явдлын хохирогч болсон гэж орж ирцгээх нь тэдний амьдралыг тун чиг завгүй болгоно. Энэ хоёр эмчтэй холбогдох олон жигтэй, айдас хүргэм хэргүүдийн тухай сонсоорой...

"Шөнийн цонхоор гадаа гудамж хийгээд хажуу байрны бөөрөнд ассан гэрлүүдийг тоолж зогсохдоо “Эднээс хэд нь сэтгэцийн өвчтэй хүмүүс байгаа бол...” гэж таамаглан бодно. Ширээн дээрээ буцаж ирээд Олдохын хэргийн материалыг хумьж, хана дагуулан тавьсан шүүгээнийхээ өрөөтэй олон хавтас дунд босоогоор нь шигтгэн хийгээд орлуугаа явлаа. Олдохын хэргийн материалын хажууд “Үзмэрч, удган Болордарь”, “Үйзэнхуа Чимгээ”, “Эцэг эхээ хөнөөсөн Дөлгөөн”... гээд нэр хоч хийсэн хэргээр нь ялгаж тэмдэглэсэн хавтаснууд дурайн үзэгдэнэ..." Зохиолч Хайтангийн бичвэр сонсдог ном болон танд хүрэхэд бэлэн боллоо. Та тухлан сууж таалан сонсоно уу... Цус царцам хүйтэн ертөнц таныг хүлээж байна.

Хоосон талд хэдэн цогцос, хэдэн морь, ганц сүйхнээс өөр зүйлгүй үлдсэн настай шивэгчин цурхиран уйлж эхлэв. “Дун Хао, миний Дун Хао.... чамайг минь хороосон хүнийг би алчихлаа. Чи минь наддаа эргээд ирээч дээ... Хань минь, Миний Дун Хао...” гэж нүүрээ даран доош харан уйлан сууна. Хайтан-гийн шинэ бичвэрүүд аудио ном болон сонсогч таны сонорыг мялаахад бэлэн боллоо. Хэрэв та аливааг эмзэг хүлээн авдаг, зүрх судасны өвчтэй, цочимтгой, жирэмсэн болон дөнгөж нярайлсан азтай бүсгүй бол сонсохгүй байхыг хүсье. Таныг хүндэтгэсэн ХАЙТАН SAUDIO

Хэзээ ч үзэх, сонсох ёсгүй, учрах ёсгүй тавилан руу үйлийн үр хөтөлнө. Харин түүнээс урваж буцах бус нэгэнт үүрч дуусгасан нь өлзийтэй. Учир нь тэр хэзээ ч хаалга андуурдаггүй. Төгсөө хаа дуулдсан газраа гай тарьж, үхэл дууддаг дууны бичлэгийг олж сонссоноос бүх зүйл эхэлнэ. Гэнэтийн золгүй явдлын улмаас нас барж, зуурдад гацсан ханиа бодон гашуудаж суух Гуулин Саран хүүхний гуниг нэвт шингэсэн уйтай дууг сонссон Төгсөө энэ хэрэг явдлын ард хэрхэн гарахыг та Хайтан зохиолчийн "Гуулин Саран" бүтээлээс хүлээн авч сонсоорой.

”Чиний амьсгалахыг чихэн дээрээ сонсохын тулд би гал руу гараа хийхээс ч буцахгүй. Чиний арьсыг илбэхэд нэгэн шөнийн нойр битгий хэл нэгэн насны амьдрал ч хангалтгүй. Чи тийм л яруу, тийм л тансаг, бурхны бас нэгэн бүтээл. Гэхдээ тэр чамайг тачаалдаа мансуурч явахдаа бүтээсэн байх. Дэндүү төгс юм...” “Чиний хүдэр цээжинд тэврүүлэхийн тулд би бүсгүй заяанд төрж. Чиний дурлалын халуун баланд мансууран согтоход мянган өдрийн сээтэгнэл ард хоцорч, түмэн эрсийн зүрх шархална. Чамайг харин чөтгөр бүтээсэн байх. Эгэл даруу бүсгүй биеийг эзэмдэж байг хэмээн эцэж цуцашгүй их таашаал заяажээ. Шунаж дурламаар...” Хайтан-гийн анхны эротик бичвэрүүд аудио номын түүвэр болон, сонсогч таны сонорыг мялаахад бэлэн боллоо. Тус бүтээл нь “НАСАНД ХҮРЭГЧДЭД ЗОРИУЛСАН” агуулга бүхий бөгөөд насанд хүрээгүй бол сонсохгүй байхыг хүсье. Таныг хүндэтгэсэн ХАЙТАН SAUDIO

Хурц иртэй зүйлээр хүзүү, мөр, нуруугаар нь маажих шиг тэр дороо часхийн хорсох шиг мэдрэгдэж эхлэхэд залуу авгайд хэлье үү гэтэл чихнийх нь дэлбээн ард цэв хүйтэн амьсгал мэдрэгдлээ. Өнөөх амьсгалтай зэрэгцэн хамарт өмхий үнэр ханхалж, харин чихэн дээр нь “Мах уу? ... Шөл үү?...” гэж шивнээд хэнгэрэг хагарам тачигнасан зэвүүн инээд хангинав... Хайтан-гийн шинэ бичвэрүүд аудио ном болон сонсогч таны сонорыг мялаахад бэлэн боллоо. Хэрэв та аливааг эмзэг хүлээн авдаг, зүрх судасны өвчтэй, цочимтгой, жирэмсэн болон дөнгөж нярайлсан азтай бүсгүй бол сонсохгүй байхыг хүсье. Таныг хүндэтгэсэн ХАЙТАН SAUDIO