´´Өөрийнхөөрөө дур тавь´´ номын зохиогч Эмили Нагоски 1995 онд Делаверийн их сургуульд бэлгийн эрүүл мэндийн багшийн ажилд орсноор бэлгийн боловсролын хүлээн зөвшөөрөгдсөн мэргэжилтэн болох ажлын гараагаа эхэлсэн юм. Тэрээр сэтгэл судлалын чиглэлээр эрдмийн зэрэг хамгаалсны дараа тархи судлалд илүү дурлаж цаашлаад бэлгийн боловсрол, хүчирхийллээс урьдчилан сэргийлэх чиглэлээр хийсэн ажлууд нь түүнийг бэлгийн амьдрал, хосуудын харилцаа, бэлгийн боловсролын талаарх олон илтгэл хичээлүүдийг нь амжилтад хүргэхэд нөлөөлжээ. Эмили Нагоски нь Хүний бэлгийн амьдрал дахь эрүүл мэндийн зан төлөв сэдвээр докторын зэрэг хамгаалсан ба Смит коллеж дахь Wellness Education төвийн захирлын албыг хашиж байна. Түүний сүүлийн үеийн бүтээлээс гэвэл өөрийн ихэр дүүтэйгээ хамт бичсэн  Burnout ном байна.