ХОРСОЛ 3 зохиолын шүлэг (ҮХЭЛТЭЙ ДАХИН НҮҮР ТУЛАВ.) Төрд өргөсөн тангараг минь Там руу намайг хөтлөв. Түмнээ гэсэн сэтгэл минь Үхэл рүү намайг дагуулав. Атаат дайснууд минь санаа нэгдэж Амийг минь тас татахаар сэм хуйвалдав Аглаг ой руу авч очив Ахан дүүсийг минь мал шиг л хороов. Азаар би амьд үлдэв. Амьдралаа тэднээс авахаар шийдэв. Алаг зүрхэнд минь хорсол буцалж Ассан гал шиг би хилэнгээр дүрэлзэв. Алдархан үрсийг минь хагацалд унагав. Алаг нүднээс нь нулимс урсгав. Амиа өгсөн ч хамаагүй би Амьдралаа тэднээс заавал авна Гэмгүй хүнийг хэрэгтэн болгож Гав гинж зүүхээр яарав Хилс хэрэгт гүтгэн унагаж Хэл чимээгүй хороохоор хөдлөв Хэнийг ч мэдэхгүй хоосон газарт Хороож тэд булхаар шийдэв. Гэвч надад тэднээс илүү туршлага байв Гар нийлэх гал цогтой дүү нар ч байв Үхэл намайг тоогоогүй ч өөрөө би үхэл болов. Үүрдийн юм шиг амьдралыг нь зуурдын болгохоор өдөр шөнөгүй бодож эхлэв Мэргэн санаагаар тэднийг урхидаж Мэхт мэхэнд нь хольж орхив Маргаан гарч дотроосоо хагарав. Миний ажил одоо л эхлэв. Өрөвдөх сэтгэлгүй шулам болов Өшөөгөө авахаар улайран тэмцэв. Өр зүрх минь хорсолд автаж Өнөөдөр би бүгдийг дуусгахаар Үхэлтэй дахин нүүр тулав. 2023.09.22. БАТЗУН

ХОНЗОГНОСОН ЗҮРХ ХОЁР ДАХЬ АМЬДРАЛ Гэм хоргүй амьдралыг минь Гэнэт юун гамшиг дайрав. Гишгэх газрыг минь ахархан болгож Гэмшилт ангалд намайг юунд шидэв. Харанхуй ангалаас амьд гарах гэж Харин би өөрөө араатан болов Хоёр гараа цусаар угаасаар Хонзогносон зүрхээр би хоёрдохоо амьдрав. Эгэлхэн дүр минь жүжиглэх болов Эрчүүдийн хувьд би урхи болов Эргэлзэхгүй би алуурчин болов Эрлэгийн элчээс ч би эмээхээ болиход Энэ л амьдрал минь там болов Тамаас зугтаах аргагүй болов Тарчлаан бүхэн таашаал болов Чөтгөрийн өстнөө тастаж хаяхаар Чөтгөрөөс ч илүү би харгис болов Шинэхэн гэр бүл минь амь нэгдэв Шивнэсэн үгс нь үнэнийх болов Ширээ тойроход би эзэн нь болов Ширүүнээр боловч би тэднийг хайрлав 2022.05.08. .БАТЗУН.

БҮГДИЙГ НЯЦ ДЭВСЭЛНЭ Хорон санаатан холгүй байж Хором хормоор дөхөж байж Алдааг минь тэд анаж байж Араар минь хуйвалдаан зохиож байж Аминд минь хүрэхээр тэд санаархаж байж Бүдэрсэн дээр минь түлхэж Унасан дээр минь дэвслэхээр зүтгэв Бурханы дүрээр аврагч болов тэд Будилуулж надад итгүүлсээр Булгилах зүрхний минь чандад орших Бурхан шиг хүнийг минь хайж олохоор Буцалтгүй тэд дайралт хийв ГЭВЧ Тэд алдаа гаргасан Эргэлзэх зүйл ихийг харуулсан Манант бодол минь тэгэхэд цэлмэж Магад би тэднийг сэрдэж эхэлсэн Гэр бүлээр минь тэд оролдов Гэм нүглийг өөрсдөдөө хураав Уур хилэн минь тэнгэрт цахилж Урж тастахаар би нэгэнт шийдэв Сөрсөн бүхнийг нь би өвдөг сөхрүүлж Сөгдөөгүй бусдыг нь эрэмдэглэж орхив. Амь гарах минь надад хамаагүй байвч Амин хайртай дүү минь үхлийг надад үл зөвшөөрөв Олны өмнө би үхэж дуусав Оргодол босуул хэмээн намайг цоллов Он цаг бүхнийг мартахад Одоо л би ил гарч дахин амьдрав Надаас нүүр буруулсан бүхэн Нэг насаараа зугтааж амьдарна Намайг хороохыг завдсан бүхэн Насаараа тэргэнцэр дээр гуурсаар хооллох болно Гэр бүлээр минь оролдсон бүхнийг Галд би амьдаар нь шатааж Газар дээрх нэр төрийг нь Үнс болтол нь би дэвслэх болно ЗОХИОЛЧ БАТЗУН

Хорсол

БИ ИТГЭСЭН БОЛОХООР /өгүүллэгийн шүлэг / НАР САРНЫ ГЭРЭЛ ГЭГЭЭ Бүтэлгүйхэн ч гэлээ миний зүрхэнд Бүтэн хайр цохилж байсныг минь Бүүдгэр шөнийн уртад Халуун сэтгэлдээ хатаж байсныг минь Гаднаас минь хараад хэн ч мэдээгүй ч гэлээ Гандаж өнгөө хувиргадаггүй Гайхалт нарны Гэрэл чи л олж харсан билээ Инээмсэглэх төрхдөө ганцаардлаа нууж байсныг минь Инээлдэн уулзах найзууд минь мэдээгүй ч Эвшээх сарны зүүрмэглэх гэгээнээс Эгэлхэн хайр намайг л олсоон Богинохон хэр нь зуурдын хайр минь Аз жаргалаар дүүрэн байсан Борхон зүрхний амь тасартал Зүгээр л би зүүдэлж байсан Хэзээ ч хараагүй үр минь хаа нэгтээ уйлаад ч байх шиг Хамгаас хайртай чи минь Харанхуй хонгилын үзүүрт аврал эрэн зогсоод ч байх шиг Гол минь тасарч сүнс минь төөрсөн ч Ганцхан чамдаа л би хайртай юм шүү Гомдох зүйлгүй эндээс буцлаа ч Гагцхүү чамдаа би хоргодсон юм шүү 2022.03.28. .БАТЗУН.