Дорлиг энэ удаад Стинесгардтай уулзсанаар түүх эхэлнэ. Стинесгард түүний багш болно гэж хэлснээр тэд хамт аялалд гарцгаах бөгөөд энэ үеэр хаалганы хамгаалагч амьтдын тухай олж мэдэх ба тэдэнтэй танилцах болно. Энэ үеэр нууц бүлгэмийн хоёр гишүүнтэй таарч хоёр гараа алдсан Гантөмөр нийслэлд ирсэн байх бөгөөд холбооны тэргүүнд тухайн байршлыг мэдээлэх ба тэргүүн ч өмнөхийн адил ганцаараа тус газрын зүг хөдөллөө.

Хөдөө нутгийн буйдхан талд нэгэн гэр бүл хамт амьдарснаас хойш арван жил өнгөрсөн хойно бурхны авралаар хүүхэдтэй болжээ. Гэтэл хүүг 6 нас хүрэхэд хэдхэн хоног дутуу байхад золгүй явдал таарч хүү хүндээр өвдлөө гэж эмнэлэг домнолго болсон ч тусыг олсонгүй. Тэдний нутагт суугуул нэгэн хөгшин бий нь хэлэхдээ "Хүүд чинь чөтгөр шүглэсэн байна. Би ганцаараа дийлэхгүй" гэж. Чингээд арга барсан хүүгийн ээж өнөөх хөгшинтэй хамт чөтгөрийг дарах хүний эрэлд гарчээ.

Зүүн Чойрын хүрээнд эрдэм ном сурахаар ирсэн Борхон хүүгийн амьдрал энгийн нэг шавийн замаар эхэлнэ. Гэвч удалгүй хүрээний амгалан алдагдаж шөнө дөлөөр хүн хашхирна. Чөтгөрийн хорлол нэг хүнээс нөгөөд дамжиж, Зүүн Чойр тэр чигтээ айдаст автана. Та энэ зохиолыг сонсохдоо Борхонтой хамт Зүүн Чойрын тоос шороотой гудамжаар алхаж, хийдийн доорх чийгтэй хонгил руу уруудаж, хаалганы цаанаас сонсогдох тэр аймшигт дууг өөрийн чихээр мэдрэх болно.

1920-д оны үед зүүн чойрын хийд дээр гурван чөтгөр гарч хавийн амьтныг айлган ичээж байсан хэрэг гарч байжээ. Уг чөтгөрийг зүүн чойр дээр байсан лам нар дарах гэж оролдсон ч өнөөх биегүй чөтгөр өөдөөс нь төмөр лааз дотор чулуу хийн хонх дамар болгон дуугаргаж шоглож байв. Иймийн учир богдод захидал илгээж чөтгөр дарж чадах тоотой хэдэн лам нарын нэрсийг бичиж өгөөд хоёр лам ирж байж дарсан гэдэг. Эл явдлаас сэдэвлэн бичсэн Чойрын чөтгөр аудио зохиолыг та бүхэнд хүргэж байна. Хэрэв та бэлэн бол чихэвчээ зүү.

Түнхэг өндөр цалинтай нүүрс зөөх тээвэрт шинэ ажилд орж аж амьдрал нь дээшлэх болжээ. Энэ үеэр хуучин хөршийн настай эмгэн болох талийгч Догсом түүний эхнэр Намараад дахин зүүдлэгдэж эхлээд байлаа. Түнхэгийн шинэ ажил долоо хоногоор ээлжид гардаг тул Намараа хашаа байшиндаа ганцаар өдөр шөнийг өнгөрөөх ба хачин зүйлс болж эхлэхэд тэдний шинэ хөршийнд ч мөн хачин жигтэй явдлууд болж эхэлнэ. Хоёр айлд зэрэг болоод буй энэ ээдрээт явдал холбоотой болов уу ? Аль эсвэл?

2-р бүлэг Дорлиг өөрийн онгодын хамтаар бэлтгэлдээ гарснаас хойш даруй 3 сар өнгөрч жил болгон уламжлал болж зохион байгуулагддаг "Мэйгард" тэмцээн болох ба Дорлиг уг тэмцээнд оролцох нь бэлтгэлийн нэг хэсэг нь байх болно. Нууц бүлгэм болох "Нөмрөгтнүүд" тэдэнд дахин саад болох болов уу? Гүнд нэгэн нууцыг тайлах ба Дорлигийг тийш хамт явахыг хүснэ. Тэрхүү нууц зүйл нь дөрвөн хаалганы жинхэнэ ёсны хамгаалагч хэдий ч олон зуун жил ор сураггүй алга болсон гэдгийг олж мэдсэнээр Дорлиг тийш хамт явахаар болно.

300 гаруй жилийн өмнө шарын шашны гаж урсгал Монголд гарч олон залуучуудыг тахил өргөж байсан газарт Чинбатынх гэдэг айл нүүж ирснээр хачин жигтэй үйл явдал болж эхэлнэ. Тэднийг нүүж ирэхээс хэдхэн хоногийн өмнө Чинбатын дотнын найз нь учир битүүлгээр өөд болчихсон байж ээ.

Энэхүү аудио номд гурван зохиол багтсан ба “Диктафонд үлдсэн яриа” зохиол нь аудио жүжиг хэлбэрээр бичигдсэн нь танд илүү сонирхолтой байх болов уу гэж бодож байна. Сүнс, чөтгөр, хий үзэгдэлтэй учирч буй хүмүүсийн тухай гарах бөгөөд аудио жүжиг болох “Диктафонд үлдсэн яриа” –нд дурдагдах түүхүүд нь хүмүүсийн ярьсан бодит болсон явдлууд болно. Сүнс, чөтгөр, хий үзэгдэл гэх зэрэг зүйлсийн тухай бичигдсэн зохиол нь таныг хэсэгхэн хугацаанд уйтгар гуниг, ганцаардал, уур бухимдлаас тусгаарлаж төсөөллийн гайхалтай ертөнцөөр аялуулна.

Доод ертөнцийн дөрвөн хаалга байдаг ба тэдгээр хаалганууд гэнэт нээгдсэн тухай /Бөө болон лам нар/ холбооны гишүүд олж мэдсэнээр үйл явдал эхэлнэ. Холбоо бүх хаалгыг шалгахаар хүн явуулахдаа дөрвөн хүний дөрвөн баг явуулжээ. Дөрвөн хаалга өмнө нь хоёр удаа нээгдэж байсан ба эхнийх нь 1000 гаруй жилийн өмнө тосгонд хачин нүдтэй хүүхэд төрсөн ба 6 нас хүрдэг шөнө тасралтгүй уйлж хоносноор бүх хаалга нээгдэж эмх замбараагаа алдсан. Хоёр дахь тохиолдол нь хүмүүс өөрсдөө нээжээ...