“Хүнийг хайрлаж байж хүнээр хайрлуулна” гэсэн яриа, зөвлөгөөг та олон удаа сонсож байсан болов уу. Хайрлах урлаг номтой найзалснаар хайр гэдэг өөрөөс эхтэй гэдгийг маш сайн ойлгоно. Өөрийгөө хайрлаж, өөртөө анхаарч, өөрийгөө таньж мэдэхээс таны амжилт, сэтгэл ханамж, аз жаргал шалтгаална гэдгийг олон сайхан жишээгээр дамжуулан зүрх сэтгэлдээ мэдэрнэ. Үр хүүхдээ хайрлах хайр, хосын харилцаа, секс зэргийн талаар олон буруу ташаа ойлголтоо залруулж амьдралын үнэнийг мэдээд аваарай. Өөрийгөө илүүтэй таньж өөрийгөө илүү бүрэн дүүрнээр мэдрэхэд тань Хайрлах урлаг тусална. Тэрийгээ, үүнийгээ гэсээр байгаад өөрийгөө мартчихдаг бол заавал уншаарай. Өгүүлэгч: Б.Пүрэвдагва Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.

Дөрвөн хэлцэл нь 10 гаруй жилийн турш Нью-Йорк таймсын бэстселлер жагсаалтад багтаж буй бүтээл юм. Зохиолч Дон Мигель Руис нь уг бүтээлдээ бидний баяр баяслыг булааж, зовлон зүдгүүрийг бий болгодог өөрийгөө чамлах буюу өөрийгөө голох сэтгэлийн уг үндэс юу болохыг хуваалцжээ. Тиймээс бид өөрөө өөртэйгөө энгийн дөрвөн хэлцлийг хийснээр амар амгалан байж, өөртөө итгэлтэйгээр алхам алхмаар урагшлах юм. Үгэндээ өөгүй бай, өөр дээрээ бүү тусга, бүү таамагла, үргэлж хичээ гэдэг дөрвөн хэлцлийг номоос дэлгэрүүлэн сонсож суралцаарай. Хүн хэдий ухаантай ч хэлэхээс наашгүй гэдэг дээ, хэдий мэддэг юм шиг боловч хоорондын хэлхээ холбоог нь мэдэх аваас ямар үнэ цэнэтэй хэлцэл болохыг та ойлгох буй за. Мэдсэн сурсан зүйлээ үйлдэл болгон амьдралдаа хэрэгжүүлж үр шимийг нь хүртээсэй хэмээн ерөөе. Агуу бүхэн энгийнээс эхэлнэ. Өгүүлэгч: Б.Пүрэвдагва Найруулагч: Д.Баярнэмэх, Б.Батболд "МBOOK" студид бүтээв. Зохиогчийн эрх хуулиар хамгаалагдсан 2022 он.

Энэхүү товч номыг уншсанаар та Толтек хүмүүсийн эртний сургаалыг амьдралдаа хэрэгжүүлбэл танд эрх чөлөө, аз жаргал авчрахыг мэдэж авна. Та дараах зүйлсийг бас ойлгоно: • Гэм буруу, ичгүүрийн талаарх үзэл бага наснаас чинь хэрхэн тогтсон бэ? • Толтекийн "сайн" ба "муу" гэсэн үзэл бусад уламжлалаас юугаараа ялгаатай вэ? • Дөрвөн хэлцлийг мөрдсөнөөр амьдрал тань хэрхэн эергээр өөрчлөгдөх вэ? • Бусдын хүслээр бус өөрийн хүссэнээр амьдрах нь чухал. • Жинхэнэ аз жаргалд тань саад болж буй сэтгэл хөдлөлийн саад бэрхшээлээс хэрхэн ангижрах вэ? Антропологичид Толтек үндэстнийг Мексикийн өмнөд нутгаас гаралтай гэж тодорхойлдог бөгөөд тэд анхнаасаа өвөг дээдсийнхээ уламжлалыг өвлүүлэн үлдээх үүднээс нийгмээ бүрдүүлсэн уран бүтээлчид, эрдэмтэн судлаачид, багш нар байсан юм. Дон Мигель Руиз бол Толтекийн багш бөгөөд түүний амьдралын эрхэм зорилго нь Толтекийн сургаал, түүний дотор "Дөрвөн хэлцэл" буюу дөрвөн дүрмийг бүх насаараа түгээх явдал юм. "Дөрвөн хэлцэл" номдоо Руиз эдгээр зарчим бид аз жаргал, сэтгэл ханамжийг олж авахад саад болж буй эргэлзээ, айдас, өөрийгөө дүгнэх байдлыг хэрхэн арилгадаг талаар тайлбарласан байдаг. Та амьдралын хэв маягаа өөрчлөхөд бэлэн үү?

Энэ товч номоор бодит байдлын субьектив буюу хувь хүний өнцгөөс харах шинж чанар болон өөрийн мөн чанартай холбогдоход таван хэлцэл хэрхэн тусалдгийг ойлгох юм.