Эрхэс хэмээх хүсэл мөрөөдөлдөө хөтлөгдөж, дуу хөгжимд сэтгэл зүрхээ өгсөн айлын ганц хүү өөрийн бие болон үзэл бодолд нь бий болсон өөрчлөлтийн талаар ээж аавтайгаа ярилцаж асууж зөвлөлдөх гэсэн ч аав ээжийнх нь хоорондын таагүй харилцаа мөн завгүй ажилтай гэсэн хатуу хүйтэн, үл тоосон харилцаанаас үүдэн ганцаардаж гуниглан бүхнийг ялангуяа үр хүүхдээ хайрлах хайраа мөнгөөр хэмждэг тэдний мөнгийг хайр найргүй үрж тэднийг чадах гэсэндээ өөртөө шивээс хийлгэдэг.

Хорвоо ертөнцийн жам тавилангаар эм биеийг олж төрсөн бяцхан гөлөг “эм” хэмээх золгүй хүйстэйгээсээ болж, тэжээн үрчлэх эзэн ч үгүй, хар нялхдаа хамгаалсан эзэн нь төөрүүлэхэд арга буюу хот дагасан эсэр бусар амьдралын аяг даган амьтны жамаар хоол хүнсний хог даган шиншилж явсаар хээлтэх биед хүрч, мөнөөх л эм лагшинт нохосын гунигт жамд хөтлөгдөн тайтгарах гөлөг ч үгүй, гунигаа нөмрөн бидрэх агаад энэ заяагаа хэрхэн яаж туулж давахыг таашгүй. Эцэг эхээс эсэн энх төрсөн ч эхээс хагацахын шаналанг хар багаас эдлэн шинэ эхнэртэй болсон эцэгтээ гологдсон бас л нэг охин үр өнчин хүний түмэн зүдгүүр хийгээд, зааж зөвлөх хүнгүйдэн амьдралд алдан бүдчин явах хэдий ч эцэг эхээс өгсөн нэр царайгаа хүний дайтай хадгалж, тээж төрүүлсэн хийгээд үрчилж өсгөсөн олон ҮРийнхээ төлөө хэрхэн тэмцэн тэмүүлэн хайрлаж эм заяа тавилангаасаа урваж няцаагүйн тухай сургамжтай ухааралтай түүх билээ. Өгүүлэгч: Э.Алтангэрэл Найруулагч: Б.Батболд "МBOOK" студид бүтээв. Зохиогчийн эрх хуулиар хамгаалагдсан 2022 он.