Энэхүү түүхийг бадаглан өрөх аз завшааныг надад бэлэглэгч, мөнхүү уншигч танаа тольдон суух торгон агшныг хүртээн соёрхогч, чинхүү “Монгол” хэмээгч төрт улсыг дэлхий дахинаа идэрхэг хүчирхэгээр мандаан дуурсгагч, басхүү оршин үлдэхүйн чагтага юуг од гараг эрхсийн шүтэлцлээр батжаан чангалж чадагсан, орчлон ертөнцтэй ивээлтэн, огторгуй санасрын эрчимтэн, өдгөө бөмбөрцгийн зүг бүхэнд очистон гэрэлтэх “Монгол” үндэс угсаат хүмүүн бид бүхний баатарлаг мэргэн өвөг дээдсийн ялгуусан аугаа их гавьяа зүтгэл болоод, хүн төрөлхтний оюун ухааны охь, шалгарал шигшрэл болон гийсэн Их Монгол ухааны алтан ганжир дор насад сүслэн мөргөмү. Өгүүлэгч: Д.Зоригтбаатар Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.

Яруу найрагч Р.Лхамрагчаа “Сүбээдэй баатар” хэмээх туульсын зохиолынхоо хоёрдугаар дэвтэрт Чингис хаан Найманы Таян хааны хүү Хүчүлүг болон Мэргидийн үлдэгдэл болох Тогтоагийн хөвүүдийг даран устгуулахаар Сүбээдэй жанжинд төмөр тэрэг хийлгэн баруун зүгт илгээж байснаас, Калк голын тулалдаан хэмээн хүн төрөлхтний аян дайны түүхэнд домог болон үлдсэн гайхалтай тулааныг хүртэлх түүхэн үйл явдлыг хамруулсан өгүүлэмжийг өвөрмөц, сонирхолтой хэлбэрээр туурвин өгүүлжээ. Энэхүү туульсын зохиол нь өгүүлэмжийн уран сайхны хувьд Монголчуудын дундад ази хийгээд өрнө зүгт хийсэн аян дайныг учир шалтгааны талаас нь нээн өгүүлэхийг чухалчилснаараа гол онцлогоо үүсгэж байна. Бүтээлийг уншсан: Д.Зоригтбаатар Найруулагч: Д.Баярнэмэх "MBOOK" студид бүтээв. Зохиогчийн эрх хуулиар хамгаалагдсан 2023 он.

Сүбээдэй баатар – Хөлгөн туульс нь 1162–1243 оны хоорондох Монголын түүхийн 81 жилийн үйл явдлыг товчоолон өгүүлж, дорно өрнийн олон улс, хот балгад, нутгаар аялуулна. Тус бүтээлд Монголын түүх шастир, аман домог, монгол хэлний яруу сайхныг шингээж, эх орон, өвөг дээдэс, баатарлаг уламжлалд хүндэтгэл үзүүлсэн болно. Мөн эцэг дээдсийнхээ байгуулсан түүхэн мөрийг мөшгөн өгүүлж, гурван ботийг бүтэн болгон үлдээснээ зохиогч бахархан дурдсан байна. Өгүүлэгч: Д.Зоригтбаатар Найруулагч: Д.Баярнэмэх "MBOOK" студид бүтээв. Зохиогчийн эрх хуулиар хамгаалагдсан 2025 он.