ДЭД ДЭВТЭР - ХЭВЛЭЭР ЯВАГЧДЫН ТАНХИМ Хорон санаат авга ахынхаа савраас арайхийн мултарсан хүүхдүүд бас нэг авга ахынхаа асрамжид очно. Гэтэл тэр авга ах нь хорон санаат авга ахаас нь тэс өөр хүн буюу сайхан сэтгэлтэй, хөгжилтэй, өрөвч зөөлөн, хүүхэд өсгөхөд хамгаас тохиромжтой, сайн хүн байж таарна. Хүүхдүүд ч ингээд л аз жаргалтай сайхан амьдрах нь хэмээн бодож байтал гэрт нь хүсээгүй зочин ирж, удалгүй сайхан сэтгэлт авга ах нь нас барна. Хүүхдүүд өөрсдийн ур ухааныг ашиглан гэнэтийн зочны жинхэнэ дүр төрхийг илчилж, авга ахынхаа үхлийн нууцыг тайлж, өөрсдийгөө хорон санаатны гараас дахин аврах хэрэгтэй болдог. 2004 онд уг номоос сэдэвлэн Lemony Snicket's A Series of Unfortunate Events нэртэй кино бүтээгдэж гол дүрд Жим Керри, Эмили Браунин, Лиам Аикен жүжигчид тоглосон. Мөн Netflix компани 2017 онд уг номоос сэдэвлэн A series of Unfortunate Events нэртэй олон ангит кино бүтээж байжээ.

ГУРАВДУГААР ДЭВТЭР - ЦЭЛГЭР ЦОНХ Хэрэв та Баудлейрийн өнчин хүүхдүүдийн тухай хараахан уншиж амжаагүй байгаа бол энэ номыг нээхээс тань өмнө Вайлет, Клаус, Санни гурав сайхан сэтгэлтэй, ухаалаг ч, харамсалтай нь тун азгүй, адармаатай амьдралтай гэдгийг хэлье. Хүүхдүүдийн амьдрал тэр чигээрээ азгүйдэл, бүтэлгүйтлээр дүүрэн ч таны яг одоо авах гэж буй энэ номд бүр хамгийн ихээр азгүйдэх болно. Хэрэв та хар салхи, аваарын дохио, ханаж цадахыг мэддэггүй хануур хорхой, өргөст хэмхийн хүйтэн шөл, Хөөрхөн Пенни нэртэй хүүхэлдэйд дургүй бол энэ ном таны дургүйг туйлын ихээр хүргэж магадгүй юм.

ТЭРГҮҮН ДЭВТЭР - ЗОЛГҮЙ ЭХЛЭЛ Номд гурван өөр авьяас чадвартай эгч, дүү нар гарна. Хүүхдүүдийн эцэг, эх золгүйгээр амь насаа алдсанаар түүх эхлэх бөгөөд тэдний холын хамаатан болох нэгэн ах нь өргөж авахаар болдог. Гэвч тэр ах нь хорон санаатай, хүүхэд өсгөн хүмүүжүүлэхэд огт тохирохгүйн дээр хүүхдүүдийн өвлөж авсан асар их өв хөрөнгөд шунасан нэгэн байж таарна. Гурван өнчин хүүхэд авга ахынхаа ая талыг олохоос гадна, өөр хамаатныдаа үрчлэгдэх, өв хөрөнгийг нь булаах гэсэн төлөвлөгөөг нураах гээд олон шалгууртай тулгарна. Хүүхдийн сонирхлыг татахуйц үйл явдалтай, кино шиг хурдан өрнөлтэй. 2004 онд уг номоос сэдэвлэн Lemony Snicket's A Series of Unfortunate Events нэртэй кино бүтээгдэж гол дүрд Жим Керри, Эмили Браунин, Лиам Аикен жүжигчид тоглосон. Мөн Netflix компани 2017 онд уг номоос сэдэвлэн A series of Unfortunate Events нэртэй олон ангит кино бүтээж байжээ. Өгүүлэгч: А.Даваасүрэн Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.