Бид бусдын сэтгэлд нийцүүлж, нийгмийн хүлээлтэд тааруулж амьдрах гэж чармайхдаа өөрсдийгөө хэмлэж орхидог. Ойр тойрныхон, хайртай дотнын хүмүүсийнхээ сайн сайхны төлөө өөрийн хүслээ дарж, хүлцэнгүй номхон загнадаг. Шүүмжлүүлэхээс, хүлээн зөвшөөрөгдөхгүй байх вий гэхээс айсандаа олны аяыг дагаж, нийгмийн тулгалтыг үг дуугүй хүлээн зөвшөөрдөг. Гэсэн хэдий ч та өөрийнхөө төлөө хашаалж хорьсон тороо эвдэн гарч, санаа бодлоо чөлөөтэй илэрхийлж, “амин хувийн” аз жаргалаа ЭН ТЭРГҮҮНД тавих хэрэгтэй. Өөрийн жаргалыг эрэлхийлнэ гэдэг амиа бодсон хэрэг огт биш. Жаргалтай хүн л ойр тойрондоо аз жаргал түгээж чадна шүү дээ. Энэ бүхэн амаргүй, эвгүй санагдах нь мэдээж. Гэхдээ өөрийнхөө урмыг хугалах, бусдын урмыг хугалахын аль нь танд илүү хохиролтой вэ? Та бол торонд хоригдож номхорсон сургуультай адгуус биш, ан ав хийж, агаар зүсэн хурдлахаар заяагдсан сүрлэг үчимбэр юм. Өгүүлэгч: С.Цэндсүрэн

Орчуулсан: Лингостик ХХК | Орчуулгын үйлчилгээ Та энэхүү товч номыг уншсанаар айдсаа даван туулж, өөрийнхөөрөө амьдрах, дотоод мөн чанараа нээн илрүүлэхэд суралцах болно. Мөн та: • Нийгмийн хүлээлт эрчүүд, эмэгтэйчүүдийг зовлонд унагаадаг; • Бид дотоод дуу хоолойгоо үл ойшоосны улмаас өөрсдөдөө эргэлзэхэд хүрдэг; • Гацсан байдалд орох нь мөрөөдөж зүрхлэхээс ч илүү аймшигтай; • Таны “хэт мэдрэмтгий байдал” дэлхийг ч аварч мэднэ; • Та торонд орсон болжмор шиг амьдрахад хэтэрхий эрх дураараа болох зэргийг мэдэж авна. Зохиолч, нийгмийн идэвхтэн Гленнон Дойлд дутагдах зүйл үгүй мэт байв. 16 жилийн турш булими буюу хооллох дурын эмгэг болон архинд донтох эмгэгээр өвчилсний эцэст тэрээр архинаас гарч, сайн залуутай гэрлэж, гурван сайхан хүүхэдтэй болсон байлаа. Тэдний түүх аз жаргалтайгаар төгссөн байв. Эсвэл тийм биш юм болов уу? Нью Йорк Таймсын шилдэг борлуулалттай тус номыг уншиж, нэгэн бүсгүйн өөрийгөө олох аялал нь түүний гэр бүлийг хэрхэн бүрмөсөн өөрчилсөн тухай олж мэдээрэй. Та ямар мэдлэгээ мартахад бэлэн байна вэ?