2020 оны Financial Times болон McKinsey Business Book-ын ялагч Fortune, The Financial Times, The Economics, Inc. Magazine, болон NPR-аас "Шилдэг ном"-оор нэрлэгдсэн No Filter: Инстаграмын бодит түүх таны гарт хүрч байна. Өгүүлэгч: С.Цэндсүрэн Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2021 он. 2010 онд Кевин Систром, Майк Крейгер нар гэрэл зураг цахим орчинд хуваалцах боломжтой энгийн, нүд булаам онцлогтой “Instagram” аппликейшнийг олон нийтэд танилцуулсан. Үүсгэн байгуулагчид аппликейшнийхаа тусламжтайгаар фото зурагчид, уран бүтээлчдийг бий болгож, маш богино хугацаанд тэднийг чиг хандлага тодорхойлогч болгож байв. Байгуулагдаад хоёр жил хүрэхгүй хугацаанд “Facebook”-ийн анхаарлыг татаж, Марк Цукерберг түүхэн дүн болох 1 тэрбум ам.доллароор 13-хан ажилтантай “Instagram”-ийг худалдан авсан юм. Энэ нь төгс амжилт бүхий “Instragram”-ийн түүхийг төгсгөж ч мэдэхээр байлаа. Гэвч үүсгэн байгуулагчид “Instagram”-ийн гол давуу тал, брэнд, өвөрмөц онцлогийг хадгалж, өөрсдийн аппликейшнийг олон нийтийн сүлжээний аварга компаниас тусад нь байлгахаар хичээж байв. Тэд ажилчиддаа үнэхээр шаардлагатай тохиолдолд л өөрчлөлт хийхийг зөвлөж, “Facebook”-ийн “Бүтээлч болон алдартай хүмүүсийг онцлох стратеги, ямар ч хамаагүй зардлаар өсөлтөө нэмэгдүүл гэх философи”-д уусаж болохгүй талаар сануулж байлаа. “Facebook”-ийн Гүйцэтгэх захирал Марк Цукерберг үүсгэн байгуулагчдын хараат бус байдлыг дэмжиж байсан хэдий ч “Instragram” 1 тэрбум хэрэглэгчтэй болж байсан үед амжилтанд нь саад болж байгаа нь мэдрэгдэж эхлэв. Бүгд шахуу компанийн амжилт авчирсан үнэ цэнийг хадгалхаар улайран байхад харин Фрайер нь “Instagram”-ийн үүсгэн байгуулагчид, ажилчид, удирдлагууд, өрсөлдөгчид, “Vogue” сэтгүүлийн Анна Винтур, Кардашиан-Женнерийн Эзэнт гүрний Крис Женнер, дэлхий даяарх нөлөөлөгчдийн тусламжтайгаар “Instragram” нь хэрхэн бидний өөрсдийгөө илэрхийлэх, хооллох, аялах, хоорондын харилцааг үндсээр нь өөрчилж байгааг бодитоор харуулах хэнд ч байхгүй мэдээлэлтэй байв. “No Filter” номонд “Instagram” өнөөгийн нийгмийн тусгал болж буй талаар, бидэнд асуудал дагуулж буй технологийн хэт их хамаарал, төгс төгөлдөрийн төлөөх хүсэл болон өнөө цагт чухалд тооцогдох болсон бидний анхаарлыг татах гол зорилгоо болгосон технологийн дайны талаар өгүүлжээ.

Энэхүү товч номыг сонссоноор та Инстаграм хэрхэн хувьсан өөрчлөгдөж, сая сая хэрэглэгчийн амьдралд нөлөөлсөн нийгмийн аварга сүлжээ болсныг мэдэж авна. Та мөн дараах зүйлсийг мэдэж авна: ● Аппликэйшний ирмүүн агуулгууд хэрэглэгчдийг татахаас гадна сэтгэцийн эрүүл мэндэд нь нөлөөлдөг.  ● Кевин Систром Инстаграмыг хөгжүүлэхэд хэрхэн нөлөөлж, яаж хөгжүүлсэн бэ.  ● Фэйсбүүк яагаад тус аппликэйшнийг худалдан авсан, энэ нь платформд хэрхэн нөлөөлсөн бэ.  ● Инстаграм бусад олон нийтийн сүлжээнээс хэрхэн санаа авсан бэ.  ● Үүсгэн байгуулагч Кевин Систром, Майк Кригер нар яагаад компаниа орхихоор шийдсэн бэ. Инстаграм бол бидний онлайн амьдралын ихээхэн хэсэгт ноёрхсон үзэгдэл юм. Нэг тэрбум гаруй хүн энэ платформыг байнга ашигладаг бөгөөд өөрсдийнхөө, хүрээлэн буй орчин, хоол хүнснийхээ зургийг нийтэлж, хэн бэ гэдгээ илэрхийлэх дижитал дүр төрхийг бүтээдэг. "Шүүлтүүргүй" номд Сара Фрайр Инстаграм, Фэйсбүүкийн ажилтнууд, удирдлагуудтай хийсэн олон зуун ярилцлагаас цуглуулсан мэдээллээ ашиглан уг аппликейшн хэрхэн бий болсон, хэрхэн сайжирсан, хэрхэн амжилтад хүрсэн, хэрхэн цаашид өргөжих талаарх далд түүхийг тайлбарлажээ. Инстаграмын өсөлтийн цаадах бодит түүхийг мэдэхэд та бэлэн үү?