Бодол санааны хоосон гуниг Аливаа бүтээлийн гол санаа өөрийн бодол дотор үүсдэг. Түүнийг хэрхэн мэдэрч урлах нь зохиолч хүн бүрийн бичих өнцгөөс харагддаг. Бодол санаа өөрийн өнгө төрхөөр өөрийн үйлдлээр илэрч түүнийг маш богино цөөхөн үгсээр гүн утга санааг гаргасан. Хоосон гуниг энэхүү ном танд ч бас нэгийг үлдээх болов уу.

Зохиолч, яруу найрагч Рэнцэнхандын Сайхан-Уулын "Амсхийх завгүй" бодрол эссэ өгүүллэг уншигч таньд хүрч байна. Яруу найрагч Р.Сайхан-Уулын бичсэн уянгын шүлгүүдээс хаврын эгшиглэн, намрын гуниг, хүний амьдралын утга учрыг анирдах шиг болдог. Өвөрмөц хэллэг, сэтгэлгээний зохиомж, хүн байгалийн уялдааг нандин урлаж, бодолд ухаарал үлдээх бодролуудыг энэ номноос сонсоорой. Тэр бусдаас арай өөрөөр амьдралыг харж, түүнээ яруу тансагаар илэрхийлдэг нь хүмүүст шинэлэг өнгө аясыг мэдрүүлдэг. Яруу найрагч Р.Сайхан-Уул хилийн чанадад олон жил амьдарч гадаадын хэлүүдээс хорвоогийн сонин хачин мэдээ мэдээллийг орчуулж, монголчууддаа хүргэдэг гэдгийг уншигч та мэдэж буй. Яг одоо " Амсхийх завгүй..." ном таньтай хамт... Дурлаж байгаа бол Хайрлаж яваа бол Уйлж бас гуниж байгаа Санасан саналтаа хуваалцмаар бол сонсон соёрхоорой.

МЗЭ-ийн гишүүн зохиолч Р. Сайхан-Уул "Оточ" романдаа Ардчилсан засаг мандсан цагаан морин жилийн дараахан эх монгол нутгаа зорьж ирсэн ӨМӨЗО-ны Ордос нутгийн эр, оточ Мөнхнаран өвөг дээдэс ээжийнхээ захиасыг санан санан ирэхдээ хэрхэн зовж зүдрэн амьдарч буйг сонирхолтой бичжээ. Зохиолд ар монголд очихыг насан туршдаа мөрөөдөж ирсэн эгэл жирийн монгол бүсгүй хэрхэн юуны учир ийнхүү ар монголд очихсон хэмээн санаж явсан нь өмнөх төрлийнх нь өгөгдөл байсан тухай өгүүлнэ. Туулж ирсэн амьдралаа жаргал хэмээн сэтгэвэл тулж ирсэн зовлон ч бэлэг мэт үнэтэй. Урсан өнгөрөх цаг хугацааг зовлон хэмээн сэтгэвээс аманд орох хоол ч хор болох нигуртайг өөрийн биеэр мэдэрсэн хүмүүн гэгч хорвоогийн наран бүдгэрч, хоногийн тоо эрхиний бөөр шиг тэмтрэгдээд ирэхэд амьдрал гэдэг ямар хан агуу вэ гэдгийг улам гүнзгий ойлгодог ажгуу. Аудио бүтээлийн нийт урт: 4цаг 30мин