XX зууны Монголын суут зохиолч, төрийн шагналт, Ардын уран зохиолч Сэнгийн Эрдэнэ Монголын шинэ үеийн уран зохиолын түүхэнд уянгын өгүүллэгийн төрлийг өндөрт гарган хөгжүүлж чадсан бөгөөд өгүүллэг, тууж, романы төрлөөр голлон туурвихдаа ямагт шинэлэг хэлбэр, уран хурц сэтгэлгээгээр өвөрмөц содон дүрүүд бүтээсэн зохиолч юм. Түүний уран бүтээлийн гол судас чухамхүү өөрийнх нь онож хэлснээр өгүүллэгээр цохилж байв. Энэ номд их зохиолчийн Сэрүүн дуганы мөхөл, Салхитын голынхон, Гүн ар тал, Цасан доорх ногоо гэсэн туужууд нь орсон байна. Өгүүлэгч: Б.Дархансүх Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

“Хар хун шувуу” бол Монголын орчин үеийн уран зохиолын нэрт төлөөлөгч Сэнгийн Эрдэнийн амьдрал, уран бүтээлийн замнал, түүний дотоод ертөнцийн тусгал болсон намтар бүтээл юм. Энэ номд түүний бүтээл туурвих орчны бодит дүр зураг, цаг үеийн нийгмийн уур амьсгал, хэлмэгдүүлэлт, уран бүтээлч хүний дотоод зөрчил, хувь хүний үнэ цэн, ганцаардал, тэсвэр тэвчээрийн тухай гүн гүнзгий өгүүлнэ. “Хар хун шувуу” нь зөвхөн нэг зохиолчийн намтар төдийгүй, монголын уран зохиолын нэгэн үеийн сэтгэлгээ, үнэт зүйлийн тусгал болж чадсан бүтээл юм. Уран зохиолд дурлагчид, судлаачид төдийгүй амьдралын утга учир, хүн байхын үнэ цэнийг эргэцүүлэн уншихыг хүссэн уншигч, сонсогч бүрд зориулагдсан ном билээ. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

"Хойт насандаа учирна" роман бол зохиогчийн үеийнхний зорьж тэмцэж ирсэн реалист утга зохиолын уламжлалын онцгой түвшний илрэл юм. Социалист үзэл суртлын хамгаас илүү үнэлж хөхиүлэн тэтгэж байсан тэр л утга зохиолын аргаар нь коммунист дарангуйлал, өргөн олныг дайрсан хэлмэгдүүлэлтийн мөн чанарыг илчлэн харуулснаараа хосгүй үнэ цэнтэй туурвил болсон билээ. Өгүүлэгч: Д.Зоригтбаатар Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2021 он.

Арван долоон нас ч дээ. Хөөрхий зайлуул. Би тэгэхэд өөрийгөө эр хүнд тооцож явжээ. Гэтэл тэр зун ёстой шалчгар эр болохоо мэдсэн юм. Долоодугаар сарын нэгэн өдөр би нутгийнхаа Чингис хаан болоод түүний залуу гэргийн хамт сумынхаа наадамд очихоор эртлэн мордлоо. Тэр Чингис хаан гэдэг маань ердөө л шар Цамба юм шүү дээ. Би түүнд ийм догшин сүртэй хоч өгсөн боловч хүнд хэлдэггүй байлаа. Хурдан морь уяхад нь би түүнд туслалцсан юм. Тэгэхэд над шиг жулдрай амьтан салхин зээрд, цахилгаан хээр гэх мэт үлгэр домгийн нэртэй тэр сүрхий хүлэг морьдыг нь үдшийн чийг буусан хойно хээр аваачиж, идээшлүүлэх, өглөө үүрээр чилээг нь гаргах, өдөр услах зэрэг хар бор ажил хийхээс өөр ямар тус хүргэх билээ... Өгүүлэгч: Б.Дархансүх Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Тэнгэрийн хөвүүний эцэслэл нь Чингис хааны амьдралын сүүлийн он жилүүд, их ялалт, аугаа гүрний оргил үеийн цаадах хүний хувь заяа, дотоод ганцаардал, түүхийн зайлшгүй төгсгөлийг гүн утгаар өгүүлсэн түүхэн зохиол юм. Эрх мэдэл, дайн ялалтын цаана орших хүний жам ёс, амьдралын мөн чанарыг уран зохиолын өндөр түвшинд сонордуулна. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Монгол үндэстний социалист сэргэн мандалт, бүтээн байгуулалтын их эрин үед утга зохиолд түүхэн сэдвийг боловсруулан гаргаж ирсэн нь нарийн зүй тогтолт үзэгдэл, соёлын төдийгүй улс төрийн учир холбогдол бүхий асуудал юм. Энэхүү зүй тогтлын гороо горьтгонд соёолсон нэгэн шинэхэн үр нь эрхэм уншигч таны хавтсыг нь нээх гэж буй "Занабазар" роман юм. Тэрээр зохиогч маань Монгол улсынхаа соёл урлагийн түүхэнд арилшгүй ул мөрөө үлдээж, одоо манай үеийнхний хүртээл болоод олон эрдэмтэн мэргэдэд үнэлэгдэн гайхагдаж буй уг сурвалжийг цухас боловч гаргахыг зорьсон байна. Өгүүлэгч: Д.Зоригтбаатар Найруулагч: М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2021 он.

“Зовлонгийн дунд хүн өснө. Уй гашуу ухаажуулна. Даанч холхи тэр жилүүдийн тухай нэгэн зүйлийн мөргөл буюу сэтгэлийн яруухан дуулал уянгалан уянгалсаар миний бие насан эцэслэвч энэ газар дэлхий дээр миний сүнс болон тэнүүчилж, цаасан дээр буулгасан буулгаагүй хамаагүй, хүнд хэлсэн хэлээгүй хамаагүй мөнхөрчихсөн юм шиг санагдана.”

Мянга есөн зуун гучин зургаан оны улаан хулгана жилийн цагаан сар гарлаа. Өнгөрсөн хөхөгчин гахай жилийн өвөл Онон хавийн нутагт их цас унаж зудалсан тул Дондовынхоны хэдэн айл Галтхан уулын ойн цоорхойд хаваржиж байв. Тэд өвлийн адаг сарын дундуур өвөлжөөнийхөө өвс бордоог бараад, зудад туранхийлж үхсэн малаасаа үлдсэн хэдэн ергөдгүүдээ туухыг нь тууж, ачихыг нь ачиж энд ирээд гэртэй нь гэрээ барьж, гэргүй нь шургааг мод, эсгий навтсаар оромж барьж төвхнөжээ. Ус ургамал тэгш, дагшин орон гэмээр энэ сайхан хангайд арван хэдэн жилийн өмнө нүүн ирж идээшсэн эдгээр айлууд нэг удаа зуд гачаал үзэлгүй, адуу, малаа үржүүлэн, мөнхийн өн өлзийг олсон мэт байтал энэ гахай жилийн гайтай зудад өртөв. Гэвч тэгтлээ их ажирсангүй. Дайн болбол улс дээр, зуд болбол олон дээр гэдэг. Өчнөөн жил өсгөж үржүүлсэн малаа зудад алдана гэдэг хар буум боловч байгалийн гай гамшгийг урьдаас тааж, захирч болдоггүй хойно. Тэгээд ч жаргал зовлон ээлжилдэг жамтай хорвоо дээр төрөгсөд өнөө ядаж сүйрч байвч дараа нь өөдлөн сэхдэг билээ...

Хэдэн жилийн өмнө намар цаг Алтайд явахдаа Ховд голын Баян нуурын тавилан дээр түр саатаж билээ. Ховд голын ус хүүхдийн сэтгэл шиг тунгалагхан мэлмэрээд, намрын алтан улиас ганц хоёр навчаа харуусах мэт уснаа орхин, аян замд баахан алжаасан бид дуу шуу цөөнтэй бодол болон Алтайгаа халиаж суусан сан. Тэртээ умард тэнгэрийн мандалд Хархираа Түргэний бадамласан цагаан оргилууд бага насны гэгээн зөгнөлд ургадаг асан үлгэрийн орныг санагдуулан, өмнөхөн талд Цамбагарав гэж бардам нэртэй их уул цаст оргилынхоо сэрүүн цагаан салхийг бидний зүг илгээн байлаа. “Чи бас азтай хүн шүү!” гэж ямар нэгэн далдын юм чихнээ шивнэхүйд “Би бас азтай хүн шүү” гэж дотроо давтан хэлж билээ. Тэгтэл “Энэ сайхан эх орон чинь хаанаас эхэлсэн билээ?” гэж өөрөөсөө асуун Онон голын хойд бие Галт хан гэдэг хадат хөх уулын өвөрт, орхигдсон өвөлжөөний арын дэнжид байдаг тоонотоо харах шиг болсон. Эхээс төрөхдөө хүйсийг минь булж дарсан тоонот хэмээх тэр нэг элгэн хүрэн чулуу юутай бүлээхэн санагддаг билээ. Тоонот гэрээ барих хүн төрлөө гэж тоонот гэсэн тохмын чинээхэн газраас эх орон минь эхэлсэн гэлтэй. Тэндээс амьдралын минь өлзийт зам эхэлж би эх орноо таньсан...