Олон жил өөрийн биеэр явж цуглуулсан, судалсан хурдан морь, хурдан адуу, орчин цагийн тэжээл уяаны тухай ном, тэмдэглэлээс “Эрдэнийн хүлэг оршвой” ном бүтжээ. Аливаа бүхэн тэргүүлэх хэсэгтэй байдаг. Тэр ёсоор хурдан морины энэ цагийн түүхийг тэргүүлэх зэргийн уяачид дундаас энэхүү цөөхөн уяачийн хөдөлмөр зүтгэл, арга барилаас уншигч, хурдан морь сонирхогчиддоо хүргэхээр сонголт хийжээ. Тус номонд Тэс, Ханхөхий, Боржигон, Галшар, Сүхбаатар адуунаас өөрийн “Шилмэл сор” болсон адуугаа буй болгосон уяачид, орчин цагийн тэжээл уяа, домогт морьдын гарал үүсэл, унаган нутаг, түүх домог зэрэг багтжээ. Нэлээд үр өгөөжтэй чамбай ном болсоныг энэхүү сонирхолтой өгүүлэлүүдээс мэдрэх болно.

Танд, Яаж хурдан адуутай болох вэ? Яавал сайн уяач болох вэ? гэж бодогдож байвал та жинхэнэ эрэл хайгуул хийж, сонирхож, зорьж байгаа юм байна. Морь уяна гэдэг зугаа цэнгэл, цол гуншин төдий зүйл биш ээ. Бусад улс оронтой адил даяарчлалд хөл тавьж буй үндэстний бусдаас ялгарах нэг онцлог язгуур соёл юм. Сайн морь, сайхан морь, хурдан морь хоорондоо адилгүй ээ. Малчин хүн өөрийн гэсэн онцлогтой хурдан адуутай болохыг хүсдэг ч зорьсон доо хүрсэн нь цөөхөн байдаг. Тэр цөөхөн хүний шандас зааж, ухаан ширээж буй болгосон хурдан адууны түүхээс “Яаж хурдан адуутай болох вэ?” ном бүрдэв. Та энэ номоос юуны түрүүнд хүн байх, зорьсондоо хүрэхийн тулд шаргуу байх, адууныхаа бэлчээр өвс ус нь тохирсон эсэхээс эхлэн гарсан төлийн удам угшлыг анзаарч, цаашид яавал зөв болох зэргийг зүрх сэтгэлээрээ мэдрэх болно. Ингэснээр унаган монгол ахуй, монгол төрх, монголын гэх орчлонг та өөртөө буй болгоно. Таныг хүлгийн тэнгэр ивээг!. Зохиолыг уншсан: Ардын жүжигчин Г.Равдан Найруулагч: Б.Жамбалдорж, С.Даваадорж Зураач: Э.Гансүх

Дэлхийгээр тархсан монголчуудын мөрийг мөшгин явж Ижил мөрний Халимагаас номхон дөлгөөн далайн Жэжү арал хүртэлх олон улс орны монголчуудаар болон түүхэн холбоотой газраар явсан билээ. Энэхүү урт замын туршид өөрийн нүдээр үзэж харсан, сэтгэл зүрхээрээ мэдэрсэн, эргэх холбоогоо үгүйлсэн, баяр гуниг хосолсон үйл явдлын тухай хүүрнэл маягаар энгийн сонирхолтой өгүүлсэн “Дэлхийн Монголчуудаар зорчсон тэмдэглэл” номоо сонсох (Аудио) хэлбэрээр уншигч, сонсогчиддоо хүргэж байна. Нулимас мэлтэрч, сэтгэл эмтрэх эмзэглэл, бодит амьдралын өрнөлөөс үе үе цухалзах нь энэ номоос монголчууд бие биенээ ойлголцохын ялдамд, соёлт хүн төрлхтөн биесээ улам ихээр ойлгох болсон өнөө цаг үед монголчууд, монголыг сонирхогч, судлаач нарт хэдэн арван жилийн дараа үндэстний онцлогоо хадгалах эсэх нь тодорхойгүй хязгаарын монголчуудын тухай мэдэхсэн, танихсан, судлахсан, үлдээхсэн гэсэн хүсэл сонирхол төрөх нь дамжиггүй. Танд сайн сайханыг хүсье. Зохиолыг уншсан: Ардын жүжигчин Г.Равдан Найруулагч: Б.Жамбалдорж, С.Даваадорж Мbook апп дээрээс шууд худалдан авч сонсоорой.