Хол биш номын хоёр дахь цуврал нь Монголоо хайсан бяцхан аяллын тэмдэглэл юм. Үүний тулд Хятад улсыг 4 удаа зорин очиж Өвөр Монгол, Дээд Монгол, Юньнанийн Монголчуудтай уулзсан бөгөөд явах тусам, малчин ард, настан буурлуудтайгаа уулзах тусам юу ч мэддэггүйгээ л ойлгож явлаа. Монгол улсад маань надтай л ижилхэн энэ бүхнийг мэддэггүй олон залуус байдаг учраас тэднийг заавал мэдээсэй гэж энэ номыг бүтээлээ. Улс хилээр зааглагдан өөр өөр газар амьдарч байгаа ч үндэс нэг, түүх уламжлал нэг, хэл соёл нэг Монголчуудын маань хооронд халуун сэтгэлийн гүүр болох болтугай гэж чин сэтгэлээсээ хүснэ! Элэг зүрхнээс уяатай энхрий Монгол хол биш.

Та дотроо уултай юу? Эсвэл зөвхөн улиралтай юу? Салхины аясаар хийсэж, улирлын жамаар өөрчлөгдөн мөн чанар үнэт зүйл чинь бусдын үзэмжээр, бусад хүний тодорхойлсон амжилт алдаагаар хэмжигдэж байвал бид хэн ч биш болоход үнэхээр ХОЛ БИШ бөгөөд зөвхөн өөрийнхөө УУЛЫГ бүтээж чадсан хүн л энэ хорвоог инээмсэглэн бардам туулж чадах юм шиг санагдана. Өгүүлэгч: Г.Өлзийхишиг Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

Мэргэжлээ сонгох, зорилго тодорхойлох гэх мэт хүний амьдралын хамгийн чухал сонголт, олон эргэлтийн цэгүүд угтаа 'Зөв чиглэлийн автуус'-нд суухаас эхэлдэг юм шиг. Хэзээ ч 'Таван шар' чиглэлийн автуусанд суучхаад 'Шархад' явна гэж хүлээж болохгүй шүү дээ! Гэтэл амьдрал дээр хэчнээн олон хүн анхнаасаа зорилгоо буруу тодорхойлон мэргэжлээ хүртэл буруу сонгочхоод 'Аз жаргал' гээч зүйлийг эрэн дэмий хоосон бэдэрдэг билээ дээ.

Монголоор дүүрэн гомдсон хүмүүс. Ёооё нээрээ өөд уруугүй баруун солгойгүй гомдсон хүмүүс л байна. Эгэл тавилан энэхэн хорвоо эхнэр нөхөр төрүүлсэн хүүхдэдээ хүртэл гомдоцгоож байна. Хамгийн гол нь гуравхан сая хүнийг хүн шиг амьдруулчхаж чадахгүй төр засагт хамгаас их гомдоно. Огт хичээгээгүй хэр нь орчлон хорвоод муу яваадаа гомдоно. Гомдол сүүл рүүгээ уураар солигдоно. Яагаад ч юм юм болгонд уурлана. Миний Монголчууд нийтээрээ нэг тийм гомдомтгой, ууртай л хүмүүс дүүрэн байна даа гэж. Гүү ер нь өглөө босоод ирэхэд эхнэрүүд хоносон цайван дээр сүүтэй цай хийж тавьчхаад "Өглөөний мэнд хайр аа, ойрд стресстэй ядарсан харагдаад байна шүү, одоо шууд хувцсаа өмсөж гараад найзуудтайгаа 7 хоног хөдөө яваад ирээч, хөргөгчид ганц шил чимдааны юм багажид чинь майхан хөнжил мишок бүгдийг нь бэлдээд тавьчихсан байгаа, эгэлгүй найзуудад чинь хэлчихсэн байгаа шүү, үнсий!" гэж захиа үлдээгээд гараад явчихсан байхад ер нь юунаас юу унахав дээ тийм ээ? Бүтээлийг уншсан: Б.Дархансүх Найруулагч: Д.Баярнэмэх "Блью Нөүтс" студид бүтээв. Зохиогчийн эрх хуулиар хамгаалагдсан 2023 он.

Ойртох тусам зугтаад явчихдаг шувуу бол эморол юм. Бид түүнийг домгийн шувуу гэж нэрлэнэ. Домгийн шувуу үргээж Монгол наадам эхэллээ гэдэг шиг домгийн шувууг тайван орхисноор Монгол эморол эхэлнэ. Эморлыг хүчээр бүтээх гэж оролдвол эгорол болно. Зүгээр л жинхэнэ эмо гэдгээ бусдад батлах гэж оролдох шиг. Бүтээлийг уншсан: Б.Дархансүх Найруулагч: Д.Баярнэмэх "Блью Нөүтс" студид бүтээв. Зохиогчийн эрх хуулиар хамгаалагдсан 2023 он.

Би толинд харлаа. Хааяа хааяа би өөрийнхөө төрхийг унтарсан компьютерын дэлгэц, шүүгээний хаалга гэх мэт сонин сонин газраас олж хардаг юм. Тэр үедээ их удаан ширтэнэ, бас гайхна. Нэг харахаар би, нөгөө харахаар чөтгөр... Өгүүлэгч: Б.Пүрэвдагва Найруулагч: Д.Баярнэмэх "Мbook" студид бүтээв. Зохиогчийн эрх хуулиар хамгаалагдсан 2023 он.

Ай хот минь дээ, ай хот минь. Чи үнэндээ ямар өвөрмөц, ямар ойлгомжгүй ямар гунигтай юм бэ? Хааш нь ч орсон аль нэг газраараа гараад ирдэг сонирхолтой гудамжнууд минь. Хаа нэгхэн усны тэргээ гулдчин чирэх эвлэгхэн бор хүүхдүүд минь. Утаа суунаглах нүүдэлчин Монгол гэрийн хоймроос ердөө таван зуухан метр урагш явахад их хотын замын түгжрэл эхэлж гэрэлт самбар, дэлхийн үнэтэй брэнд дэлгүүр, зочид буудал ганган хувцастай хүмүүс холхилдоно. Улаанбаатар хотын хамгийн баян тансаг гэх газраас өөрийн мэдэх хамгийн ядуу алслагдсан айл хүртэл хэрэг гарган нэг удаа хэмжиж үзсэн юм. Энэ зай 8 км 400 метр гэдэг тоог заасан билээ. Энэ хоёр ертөнцийн хооронд ердөө иймхэн зай байсан юм гэж үү хэмээн дуу алдмаар. Яагаад ч юм байн байн уртаа гэгчийн санаа алдмаар санагдана. Энэ нь чухам баяр тайвшралынх нь юм уу эсвэл уйтгар гунигийн мэдрэмж юм уу бүү мэд зүгээр л ширээнийхээ ард суугаад чиний талаар бичмээр санагдлаа... Бүтээлийг уншсан: Б.Пүрэвдагва Найруулагч: Д.Баярнэмэх "М Book" студид бүтээв. Зохиогчийн эрх хуулиар хамгаалагдсан 2023 он.