Эмили Жэйн Бронтэ 1818 оны 7-р сарын 30-нд Английн Йоркшир гүнлэгт мэндэлжээ. Эгч дүү гурван Бронтэгийн дундах нь болсон Эмили ихэн голдуу яруу найраг бичдэг байсан бөгөөд ганцхан роман бичсэн нь Аянгат даваа юм. Залуусын хайр сэтгэл, итгэл найдвар, эртний Английн ахуй байдлыг өгүүлсэн энэ роман Эмили Бронтэг алдаршуулсан билээ. Эмилиг яруу найрагчийнх нь хувьд Шэлли, Байрон нартай эн дүйцүүлэх нь бий. Түүний бичсэн 200 гаруй шүлэг өдгөө хадгалагдан үлджээ. Хайр сэтгэлийн тухай өгүүлсэн хамгийн алдартай бүтээлүүдийн нэг, дэлхийн сонгодог зохиолд зүй ёсоор тооцогддог Аянгат даваа-г олон хэлнээ орчуулж, гурван ч удаа дэлгэцийн бүтээл болгон олонд хүргэсэн юм. Өгүүлэгч: Д.Зоригтбаатар, Ц.Содчимэг "MBOOK" студид бүтээв.