Онгод хөлөглөгч 3 дээрх Маралжингоогийн адал явдал нь Чөтгөр тонилгогч 3-аас хойш шууд үргэлжилж байгаа бөгөөд Сүбээдэй чухам яагаад “Цээрлүүлэгсэд” гэх багийг байгуулсны жинхэнэ учир шалтгаан тайлагдана. Энэ нууц Үнэн бурхныг хөнөөж чадах түлхүүрийг агуулсан.

Аав маань амьд ахуйдаа Орхигдсон бүсгүйчүүдийн тосгон гэх нэгэн хараагдсан тосгоны тухай хаяа дурсдаг байлаа. Зуун жилийн өмнө хараагдсан тэр Орхигдсон бүсгүйчүүдийн тосгонд зөвхөн үзэсгэлэнт бүсгүйчүүд аж төрдөг. Золгүй хувь тавилангаар хараагдсан бүсгүйчүүд. Тэр тосгонд хөл тавьсан, тосгоны эмэгтэйг хайрласан ямар ч эрийн нууц эрхтэн нь босохоо больж эмэгтэй хүнийг хайрлах хайр нь унтардаг тул эрчүүд нь бүсгүйчүүдээ ийн орхин одсон. Харин бүсгүйчүүд нь эсрэгээрээ ханашгүй их хуял тачаалаар цангах болсон тул тэдгээр үзэсгэлэнт бүсгүйчүүд үүрд мөнхөд хайрлаж дурласан нэгэндээ орхигдож, эрийн мөрөөсөл болсоор, тэгэх тусам ханашгүй хуял тачаалдаа тарчилсаар амьдрах тийм золгүй хувь тавилангаар хараагдсан гэдэг.

Чөтгөр тонилгогч 3. Гурвалжин зохиолын сонсогчдод зориулж гаргаж буй ээлжит бүтээл. Энэ цаг үеэс хойш зохиолуудад маань хоорондоо холбоогүй олон адал явдлууд гарахгүй. Харин өөр хоорондоо нягт холбоо бүхий том, чухал үйл явдал гарах болно. Тиймээс зохиол болгонтой маань хамт байгаасай гэж найдаж байна. Бусад дүрүүдийнхээ 3-р ботиудыг гаргасны дараа нэгдсэн адал явдлыг нийтэлье гэж бодож байна. Энэ удаа Чөтгөр тонилгогчийн эцэг буюу Цэнхэр дөлт чөтгөр нь Гурвалжныг устгах том дайны эхлэлийг тавьж буй талаар гарна.

Нэгэн хөвгүүн хээр явж байгаад үхсэн ээжтэйгээ таарав. Харин ээж нь түүнд “нэгэн ваарын ачаар газар доороос өөрийгөө ухаж гаргаж ирсэн” гэж хэлжээ. Тэгээд хүү тэр ваарыг гэртээ авчирснаар үйл явдал эхэлнэ.

Энэ бол чөтгөр тонилгох увдист хүчтэй төрсөн залуухан ламын адал явдал бөгөөд зохиол нийт таван адал явдлаас бүрдэнэ. 1. Хээр ганцаараа явж байгаа эрчүүдийг оюун санааг хорлон галзууруулж "Гоолингоо" дуугаараа ховсдон өөр дээрээ авчраад сүнсийг нь сорж хөнөөдөг "Дууч албин" гэгчийг дарна. 2. Асар уудам өргөн газрыг эзэлсэн том уулын эзэн азарган чонын савдагтай нүүр тулна. 3. Үхсэн хүнийг босгож өөрийн боолоо болгодог харын увдистан болон түүний боол болж амьдаараа чөтгөр болсон амьд үхдэлүүдтэй тулалдана. 4. Долоон хар ямаагаар өөрийн хохирогчоо хэзээ ч, хаана ч байсан хөнөөж чадах хүчирхэг хараалчийг ална. 5. Хүний мах бодид хувилсан хэнийг ч ховсдох чадалтай, аварга том араатан болж хувирдаг, орон зайгаар шилжиж хүссэн газраа хүрч чаддаг гурван жинхэнэ ад чөтгөрүүдийг хүйс тэмтэрнэ.

Хасзул гэх нэгэн залуу бүсгүй хачирхалтай зүүд зүүдлэх болов. Тэр зүүднийхээ учрыг олохоор шийдсэн бүсгүй өөрийн төрсөн нутаг орон гэгдэх ч хэзээ очиж байгаагүй үл таних нэгэн тосгонд очсоноор аймшигт явдал тохионо.

Заримдаа чиний хийсэн үйлийн үр зөвхөн чамд бус үр хүүхэд, удам угсааг чинь ч ороох нь бий. Тулга гэх ганцаар бэлэвсэрч хоцорсон эр өвөг дээдсээс нь өөрт нь дамжин ирсэн үйлийн үр, мөн цаашид ч удам угсаанд нь дамжин ирэх тэр үйлийн үрийн тухай үнэнийг мэдэж, учрыг нь олохыг оролдоно.

Ой бол амьд оршихуй. Тэнд алхаж буй хүн болгон үүнийг мэдэрдэг. Харин хүлээн зөвшөөрөх зоригтой нь ховор. Ой чамайг ажигладаг. Шинэ жилээ тэмдэглэхээр хөдөө байрлах нэгэн лагерийн байшинд ирсэн хэсэг залууст аймшигт явдал тохионо.

Энэ удаа Жатгач хөвгүүн нь хүн төрөлхтний увдист хүчний эх ундарга болсон газар луу очих хэрэгтэй болжээ. Тэнд л хүн төрөлхтний мөхлийн шалтгаан оршиж байлаа.

Энэ бол мэдээж зомбитой зохиол. Зомбитой бүтээл унших, үзэх, тоглох бүртээ бид өөрсдөө дотор нь орж тэр зомбинуудаас амьд үлдэх гэж тэмцдэг болохоор сонирхолтой тийм үү? Тэгвэл та бүхний одоо энэ ертөнцөд учрах зомбинуудыг хэн нэгэн удирддаг, өөрийнхөө хүслээр хөдөлгөдөг гэвэл сонирхол тань татагдаж байна уу? Өөрсдийгөө хүн бурхад буюу хомо дэүс гэж нэрлэсэн тэр хүмүүс ердөө нэг зүг рүү заахад л тэдгээр мянга мянга, сая сая зомбинууд зөвхөн тэр заасан зүгт байгаа дайснуудыг устгахын тулд л эцсээ хүртэл дайрч, тал бие нь тасарсан ч мөлхсөөр байх болно. Гэхдээ үүнээс ч аймшигтай нь хомо дэүсүүд бол энгийн хүмүүс биш. Тэд бол хүн төрөлхтний хувьслын дараагийн шат. Дэлхий хэмээх гарагт бүхнийг эзэлсэн аугаа хүн төрөлхтний дээр чухам ямар оршихуй байж чадах вэ?... Бурхан уу?... Хомо дэүсүүд бол энэ асуултын хариулт юм. Хамгийн гол нь тэд ердөө л нэг хүмүүс байж байгаад хувьслын дараагийн шатанд орсон амьтад биш. Тэр хүмүүс өөрсдөө хувьслыг удирдаж өөрсдийгөө хүнээс хамаагүй илүү хүчтэй оршихуйнууд болгосон юм... Амьд үлдэхэд арай хэцүү ертөнц байна тийм үү?... Тэгвэл танд нэг боломж байгаа... Гол дүр болон сонсогч та хомо дэүс.

Хэн нэгнийг хайрлаж байсан эсвэл хайрласаар байгаа хүн бүрээс асууя. Та хайртай хүнийхээ төлөө хэр их зүйл хийж чадах вэ? Хүн алж чадах уу? Өлзий гэх энэ азгүй хөвгүүн л лав хэзээ ч бүтэшгүй хайрынхаа төлөө хэнийг ч хөнөөхөд бэлэн байсан. Бас хөнөөсөн. Гэхдээ энэ жинхэнэ хайр гэж үү? Өлзий тийм л их хайраар Охин тэнгэрийг хайрласан болохоор тэднийг алсан уу? Эсвэл тэр хөвгүүн аймшигтай сэтгэцийн өвчтэй алуурчин болохоор л тэднийг алсан уу? Охин тэнгэр ердөө л шалтаг байсан уу? Ямартай ч Охин тэнгэр бол зөвхөн түүнийх. Хайртай хүнийхээ төлөө цогцсын овоо босгох Өлзий гэх хөвгүүний түүхийг та бүхэн эл аудио номоос сонсоно уу.

Тэднийг Ороолон гэнэ. Ороолонгууд хүмүүсийг агнаж, хөнөөж, хүйс тэмтэрч, урж тастаж, махаар нь зооглох ч хүний ертөнцөд хүн шиг л амьдрах ажээ.

Шоовдруудын оромж. Энд хотын хамаг л хог шаарнууд цугларч, өөрсдийн гэмшил нүглээс биежсэн ад чөтгөрийн хорлолд автаж, амьдын тамд унажээ.

Шинэчилсэн хувилбар - Өгүүлэгч 'Ганаагийн суваг' Хангай гэх эр хайртай бүсгүйтэйгээ хамт байхын тулд “Цуст сүй” хэмээх тахилын золиос болж бүхэл шөнөжин ой дундуур ад чөтгөрүүдэд хөөгдөнө гэдгээ төсөөлсөнгүй.

Жатгач хөвгүүн Ринчен үхсэн аавынхаа сахиусыг олсноор үйл явдал эхэлнэ. Нэргүй бурхны сахиус гэх тэр нууцлаг сахиус нь үхсэн дайсны тань сүнсээр таныг хүчирхэгжүүлэх аугаа их хүчийг агуулжээ.

Тэргэл гэх эр ойд явж байгаад нэгэн нүцгэн бүсгүйтэй тааралдаад гэртээ авчирчээ. Үүнээс хойш түүнд хачирхалтай, аймшигтай явдлууд тохиолдож эхэлнэ.

Онгод хөлөглөгчид тохиолдсон ээлжит ер бусын адал явдлууд: Тамыг эзэгнэгч Ясан хаанд сүнсээ алдсан онгод хөлөглөгч Маралжингоо диваажинд шургалсан нүгэлтнүүдийн 100 сүнсийг там руу унагаах аянд мордоно. Эрлэг номун хааны эзэмшил болсон зуурдын ертөнц рүү аялна. Тэнгэрийн орон руу одож, Хурмаст тэнгэртэй нүүр учирна.

Чөтгөр тонилгогч Амгаланд тохиолдсон ээлжит ер бусын адал явдлууд: 1. Тэр сүнстэй гэгддэг орон сууцны шат дээшээ доошоо төгсгөлгүй. Бас тэр шат хоосон биш. 2. Тэр тийрэн чиний дотор, чиний хайрласан итгэсэн бүхний чинь дотор шүглэж чадна. Сахиус ч чамд тусалж чадахгүй. 3. Тэр тосгонд чи аз жаргалтай амьдарч чадна. Шөнө бүр хаалгыг чинь тогших хүн биш тэр амьтныг эс тооцвол шүү дээ.

Нэгэн эр өвлийн хүйтэнд, цаст хээр талд ганцаархнаа ухаан алдаад сэржээ. Сэрээд осолд орсон гэдгээ, огтоос мэдэхгүй газарт байгаагаа, төөрчихсөн гэдгээ олж мэдээд амьд үлдэхээр тэмцэнэ. Түүний амьд үлдэх тэмцэл бодож байснаас нь аймшигтай бас ер бусын байна гэж тэр санасангүй.

Эл зохиол нь өөрийн биедээ аугаа хүчирхэг сүнслэг оршихуйнуудыг оруулж увдист шидийн хүчээр чөтгөрүүдийг тонилгодог Маралжингоо нэрт удган охины тухай түүх юм. Нийт гурван адал явдал гарна. 1. Тамын оронд зорчсон бяцхан удган: Эл явдал нь гол дүрийн удган охин Маралжингоо тамын оронд нэвтрэн нэгэн хүүг аврах ба замдаа тамын дөрвөн эзэнт гүрний дөрвөн хаадтай нүүр тулна. 2. Хар дарсан зүүдийг биежүүлэгч түнэр харанхуй: Нэгэн том уурхай тэр чигтээ хараагдсан харанхуйд автана. Тэр уурхайд буй хараагдсан харанхуй дотор байхдаа та өөрийн айдсыг төсөөлөх л юм бол тэр айдас нь жинхэнээсээ амилан биежиж таны өмнө гарч ирнэ. Удган охин Маралжингоо тэр хараалын харанхуйг бий болгоод байгаа муу ёрын амьтныг дарна. 3. Цаг хугацааг гажуудуулагч манан дундах тосгон: Өргөн уудам талын хаа нэгтээ Гүнжийн хөндий гэх газар буй. Энгийн хүн тэр газраар явахад яах ч үгүй. Харин үхэх цаг нь нэгэнт болсон хүн тэнд очвол саарал дээл өмссөн үзэсгэлэнт бүсгүйтэй таарах ба тэр бүсгүйтэй таарах л юм бол хэзээ ч эгэл ертөнцөд эргэн ирж чадахгүйгээр манан дундах тосгонд гацах ажээ. Тэнд нэгэн өдөр зуун жилтэй тэнцэнэ. Удган охин Маралжингоо ч Манан дундах тосгонд гацна.

Энэ ертөнц... хэзээ ч та бидний бодож байсан шиг биш бол яах вэ? Бидний бодож байснаас тэс өөр, эсвэл бүр яг төсөөлдөг байсан шиг чинь... санаснаас чинь ч жижигхэн, эсвэл хязгааргүй мэт уудам. Муу муухай аймшигтай ч бас сайн сайхан, бүр байж боломгүй гайхамшигтай төгс төгөлдөр... хамгийн гол нь... нууцаар дүүрэн... Магадгүй үнэхээр сүнс сүүдэр, савдаг, албин тийрэн, ад чөтгөр, бас сахиусан тэнгэр... там диваажин, хойт урд нас... бүр бурхан хүртэл яг бодитоор оршин байдаг бол яахав. Магадгүй энэ бүгдийг бид мэддэгүй шалтгаан нь, тэдний оршлыг ч нотлох боломжгүй байгаа нь... бүр юу ч тохиолддогүй юм шиг байдаг нь... хүмүүн төрөлхтөн гэгч тиймэрхүү зүйлийг мэдэхэд, анзаархад хэтэрхий сул дорой, харалган... эсвэл... “хэн нэгэн”... “тэд” бидний энгийн номхон хүмүүн төрөлхтнөөс энэ бүхнийг нуудаг бол яахав. Энх тайван амар амгалангын төлөө... эсвэл өөр ямар нэгэн шалтгаантай...? Эл зохиолын эхлэл, өрнөл, төгсгөл ба гол утга санаа, илчлэн гаргасан үнэн... үзэж байсан дэлхийн хамгийн шилдэг уран зөгнөлт, фантас бүтээлүүдтэй ижил санагдаж, зөвхөн тэднээс л авч болох тэр гайхалтай зүйлсийг та эл зохиолоос мэдрэх болно. Тэндээс мэдэрсэн зүйлээ Монгол зохиолчын бүтээлээс мэдэрсэндээ та нар баярлана. Гэхдээ энэ бол дөнгөж эхлэл дусал төдий юм. Marvel, DC шиг аугаа том ертөнцийн өчүүхэн нэг хэсэг. THE RED ертөнцийн нэг хэсэг. Хэрвээ энэ төрөлд дуртай л бол эл зохиолыг уншиж цагаа барсандаа, мөн төлсөн мөнгөндөө огтхон ч харамсахгүй. Уран зөгнөлд зохиолд дуртай л бол анимед, бас CGI-аар дүүрэн адал явдалт кинонд дуртай л бол... магадгүй тэднийгээ үзэх биш уншихыг хүсэж байсан бол... энэ яг таны хайж байсан зүйл чинь... одоохондоо ингэж л хэлэх байна. Үлдсэнийг нь та уншиж байж л ойлгох болно. Зохиолч ч бас ингэхийг хүсэж байгаа.

Улаанбаатар хотод нэгэн үзэсгэлэнт цуврал алуурчин бүсгүй гарч ирнэ. Тэр алуурчин бүсгүй зөвхөн хүчирхийлэгч гаж донтой этгээдүүдийг, ялангуяа хийсэн хэргээрээ огтхон ч хууль цагдаагийнхнаар шийтгэгдэлгүй өнгөрч чадах эрх мэдэлтэй хүчирхэг нүгэлтнүүдийг байгаа болгон хөнөөгөөд зогсохгүй хийсэн бүх бузар хэргийг нь олон нийтэд илчилж, бичлэг болгон цацахаас гадна хохирогч бүрийнхээ нүдийг сугалж аваад цуглуулдаг ажээ. Гаж донтой алуурчдыг ангуучлан хөнөөх гаж донтой алуурчин бүсгүйн түүхийг та бүхэн зөвхөн эл бичвэрээс сонирхон сонсоно уу.

Зараас хайж орсон ажил минь их хачирхалтай… би өрөөнд хоригдож буй нэгэн эмэгтэйг камераар ажиглах ёстой. Би өөрийгөө ийм зүйлд орооцолдоно гэж бодоогүй…

Эл Жатгач хөвгүүн зохиолын ертөнцөд бол Жатгачид ямар ч увдист хүчгүй энгийн хүмүүс ч гэлээ увдист шингээсэн шүтээн, сахиус, эд хэрэгслүүд бүтээж ад чөтгөрүүдтэй тулалддаг гоц ухаантнууд билээ. Үйл явдал нь Чөтгөр тонилгогч, Онгод хөлөглөгч зэрэг зохиолуудтай нэг ертөнцөд өрнөж байгаа бөгөөд нийт гурван адал явдалтай.

Энэ ертөнцөд хүн ба ад чөтгөрүүдээс ангид нэгэн аймшигтай оршихуйнууд оршин байдаг. Номтой лам нар, тэнгэрийн бөө нарт ч үл дийлдэх тэр оршихуйнуудыг ороолонгууд хэмээн нэрийдэх бөгөөд тэд бол хүний маханд шунасан хүн дүрст араатнууд юм. Хүний махан идэштнүүдийн эсрэг зөвхөн Ороолон дарагчид л тэмцэж чадах ажээ. Эл түүхийн гол дүр бол Ороолон дарагч Сорхагтун нь дээд төрөлтөн хэмээгдэх гурван хүчирхэг ороолонтой нүүр тулалдана.

Хувь тавилангийн шоглоомоор арван зургаахан настай залуухан үзэсгэлэнт охин Сондор аргагүйн эрхэнд олон эрчүүдэд өврөө нээж буруу замаар орж байгаа тухай эмгэнэлтэй, ээдрээтэй бас хайр дурлал, янаглалын тухай түүх юм.

Чөтгөрт тонилгогч, Онгод хөлөглөгч зэрэг зохиолуудтай нэг ертөнцөд өрнөж буй эл нууцлаг зохиолын үйл явдал нь эгэл жирийн нэгэн жижигхэн сууринд өөрийгөө шинэ багш Цахирмаа хэмээн танилцуулсан нууцлаг үзэсгэлэнт бүсгүй ирснээр бүх зүйл эхэлнэ. Тэгтэл нутгийн нэртэй чадалтай Ванган хэмээх удган тэр шинэ багшийг амьд хүн биш, харин хэдэн зуун жилийн өмнө энэ суманд амьдарч байгаад аймшигт үхлээр үхсэн, үхээд босож ирсэн босоо ороолон ба амьд хүний дүрд орж, энэ сумын бүх иргэдийг хөнөөхөөр эргэж ирсэн хэмээн цуу яриа тараав. Энэ өдрөөс эл бяцхан суманд, ялангуяа зохиолын гол дүр болох шинэ багшдаа дурласан Төгөлдөр хэмээх сурагч хөвгүүнд ар араасаа дэндүү нууцлаг, хачирхалтай явдлууд тохиолдож эхлэх бөгөөд зохиолыг дуустал нь сонсохоос нааш юу болоод өнгөрснийг ойлгох боломжгүй юм.

1-р бүлэг: Асрамжийн газрын нууц Ядруухан асрамжийн газарт өссөн Тэмүжин гэх хүү нэг өдөр тун хачирхалтай зүйлийг олж мэднэ. Юу гэхээр... өөрийнх нь амьдардаг асрамжийн газраас нэг хар хувцас өмссөн нууцлаг этгээд зургаан сар тутамд нэг хүүхдийг авч явдаг ажээ. Зүгээр ч нэг хүүхэд бус хамгийн гоц ухаантай, хамгийн хүчтэй, авьяаслаг нэгнийг нь. Тэгтэл нэг л өдөр тэр хар хувцаст этгээд Тэмүжиний хайртай охин болох Энхриймааг авч явна. Тэмүжин ч эргэлзэлгүй найз охиноо аврахаар хар хувцаст этгээдийг дагаж явснаар үйл явдал эхэлнэ.

Зуу зуун бүсгүйн хайрыг татсан эрийн тэмдэглэл Өөрт нь дурласан эрчүүдийн зүрхэн дээр өсгийтэй гутлаараа няц гишгэдэг тийм л төгс төгөлдөр үзэсгэлэнт бүсгүйчүүд хорвоод өдрийн од шиг цөөн. Гэвч Бархас залуу насандаа зуу зуун тийм үзэсгэлэн гоо бүсгүйчүүдийг өөртөө дурлуулж эрчүүдийн атаархал цухлыг барж гүйцсэн хүүхний тэнгэртэй явсан бөгөөд эл зохиолд тэрээр хөгширч, хүйтэн гэрт ганцаараа үхэхээсээ өмнө өөрийн тэр л амрагийн явдлуудаа тэмдэглэн үлдээжээ.

Эртээ урьд цагт Дорно тивийн цээжинд, нэгэн нүүдэлчин, дайчин аймагт ээж хүү хоёр аж төрдөг байжээ. Нүүдэлчид бол эртнээс, бүр мянга мянга жилийн тэртээгээс хүчирхийлэл, дайн тулаанаар цангасан, зуу зуун тулаанд оролцсон нэгнээ дайлаар мордож, ялагдал гэдгийг мэдэхгүй дайнч, хүчирхэг үндэстэн билээ. Нүүдэлчдийн нутаг түмэн үеэрээ дайн тулаантай байсан агаад өөр хоорондоо, хэн нь тал нутгийг эзэгнэхээ үзэн дайтаж, нэгнийгээ өршөөлгүй, хэрцгийгээр, аймшиггүйгээр алж хядаж, удам угсаагаар нь хүйс тэмтэрсээр иржээ. Хаа сайгүй цус гол мөрөн мэт үерлэж, цогцос уул овоо мэт хөглөрч байлаа. Энэ дайн гэгч өршөөлгүй, зөвхөн хүчирхийлэл, үхэл хагацал, зовлон тарчлааныг урин дагуулагч гай түйтгэр, тэр гэмгүй ээж хүү хоёрыг ч зүгээр орхисонгүй. Нүүдэлчдийн тал нутгийн хамгийн хүчирхэг овог аймгийн захирагч Төмөр хаан, тэдний төрсөн гэр орныг эзэлж, Тэмүгэ хүү өөрийн нүдэн дээр төрсөн эхийгээ алуулахыг харж, хүүгийн цээжинд асар их үзэн ядалт хурж, өс хонзонгийн гал асав. Хэзээ ч унтаршгүй гал. Гэвч хүү сонгогдсон нэгэн байв. Бурхан тэнгэрээс заяасан хувь тавилан, үүрэг хариуцлага зорилго түүнд байв. Тэрээр өшөө хонзонгоос ч илүү зүйлийн төлөө, илүү үйл хэргийн төлөө тулалдахаар, дайтахаар шийдэв. Тэрээр гэрэл асаахаар шийдэв. Тэрээр ганц нүүдэлчин угсаатны тал нутагт ч биш, орчлон ертөнцөд гэрэл асаахаар шийдэв... Энх тайван... тэр зорилго бол, тэр гэрэл бол.... Энх тайван... Мөнхийн энх тайван байсан юм... энэ бол бодит түүх биш юм. Энэ бол үлгэр. Таны урьд хэзээ ч Монгол зохиолоос уншиж байгаагүй, толгой эргэм ээдрээт, сонирхол татсан, нарийн ойлгоход тун хэцүү уялдаа холбоо бүхий үйл явдлын цогц... Энэ бол бодит түүх биш бөгөөд орчин үеийн уран зохиолын салшгүй хэсэг болох уран зөгнөлт зохиолын хэлбэрээр бичигдсэн уг бүтээл та бүхнийг гайхшруулах болно. Уг зөгнөлт романы дүрүүдийн гайхам сонирхмоор онцлог шинж чанар, үйл явдлын далайц, хурц өрнөл, түр зуур ч нүд буруулахын аргагүй сонирхолтой толгой эргэм, үйл явдал хоорондын авцалдаа нь зөгнөлт, адал явдалт романуудад уншигчдын зүгээс, ялангуяа толгой ажиллуулсан ээдрээт адал явдалд дуртай уншигч түмний зүгээс тавих шаардлагыг нэг шат ахиулсан гайхалтай бүтээл учир эрхэм уншигч танд ч таалагдана гэдэгт итгэж байна.