“Өстний өвөрт” тууж маань цэвэр ичимтгий монгол нөхцөлд тэр бүр хөндөгдөөд байдаггүй нэгэн өөр ертөнцийн талаар илэн далангүй гэмээр хүүрнэдэг юм. Хэн нэгэн “Чи яагаад ийм зүйлийг...” гэж ширүүхэн зандарвал би юу гэж хариулахаа мэдэхгүй гацчихаж магад. Учир нь, би энэ зохиолыг ч бас ямар ч зорилгогүй л бичээд дуусгачихсан юм. Сонголтыг уншигчид өөрсдөө хийх эрхтэй, тэрхүү эрхээ эдлэх нөхцөл нь ч хангалттай бүрдсэн учир өөр шигээ элдэв адал явдалд дурлагчдад зориулан бичснийг минь ойлгоно биз ээ. Аудио бүтээлийн нийт урт: 11цаг 20минут

Хайр бол хүн чанар.. Гэвч хүмүүн гэгч хайраас болж өөрийгөө алдаж, өс хонзон тэвэрч, өнгө шуналын мананд төөрч будилсаар гагцхүү энэ орчлонгоос буцахдаа ухаарлын дөл ноцоодог юм болов уу.. Бас хамгийн том сул талтайгаа нүүр тулах хүртэл өөрийгөө гээдэг гэлтэй. Энд эхийн хайр, дүүгийн хайр, өнгө, мөнгө, хайраа харуусал болгон эндүүрэх хүний амьдралын ээдрээт нэгэн түүхийг хүүрнэх юм... Хүн өш хонзон, атаа хорсол, шунал хүслийн эзэн болохоороо өөрийн мөн чанар хийгээд дотоод хүч чадлаа бусниулаад зогсохгүй хайр, хайрлах далавчаа ч гээдэг. "Хойд эх"- ээр хамаатуулж хорвоогийн эрээн барааны сүүдэрт хүний амьдрал, хүн өөрөө хайрыг хэрхэн ойлгож хүлээн авснаар хувь заяа, тавилан эргэдгийг адал явдлаар амилуулсан буй. Хайрлахаа мартчихдаг амьдрал. Хайрыг бүү гишгэ.

Амьдралын шугам нь хэзээ ч огтлолцохгүй мэт санагдах баатрууд нэгэн цэгт учирсанаар аажуухан, уйтгартай эргэж байсан хувь заяаны эргүүлэг гэнэт ажиллаж эхлэх нь хачирхалтай. Зохиолын баатрууд зан суртахуун, туулсан амьдрал, хийж буй үйлдлээрээ эрс ялгаатай боловч “төөрсөөр төрөлдөө” гэгчээр тэд бүгдээрээ нэгэн ижил чанар агуулж байсныг эндээс олж харж болох юм. Нэг үгээр хэлэхэд, энэ зохиолын баатрууд бүгд “бодолдоо хүлэгдсэн” хүмүүс. Зарим нь үүнтэйгээ үг дуугүй эвлэрдэг, зарим нь эсэргүүцдэг, нөгөө хэсэг нь бүр үүнийгээ ч мэдэрдэггүй. Нийгэмд хар тамхи хэмээх аймшигт тахал хэдийнэ орж ирсэн байсныг сэрэмжлүүлэг болгож зохиолч зоригтой дуугарчээ.

“Сахиусан тэнгэрийн нулимс” одоогийн цаг үеийн нийгмийн сулрал, ялзрал доройтол, өнгө мөнгөний хэтэрхий шунал хийгээд улам даяаршиж улам хотжиж буй өнөө үед залуучууд маань ямар нэгэн ухаарал, сэхээрэл, сэтгэмж өөртөө бий болгоосой, аваасай гэсэн үүднээс энэ зохиолын мөн чанар, агуулга оршиж байгаа болно. Өнөө цаг үед “Нөхөрлөл” гэх энэ үнэт зүйл хэрэгцээ, хэрэглээ, шаардлага дээр тогтдог, цэцэглэж байгааг бид мэддэг хэрнээ мэдэхгүйн дүрд тоглодог. Энэ бол үнэндээ эмгэнэл юм. Үүнд л энэ бүтээлийн утга учир оршин байгаа юм.

Цагаан цаас шиг цэвэрхэн гэнэн охин. Ганцаардлын саарал оршихуйд нь гэнэт гэрэл цацарч, тэр гэрэлд өнөд үүрд, насан туршдаа аз жаргалыг тэвэрнэ гэсэн эндүү мөрөөдөл нь нэг л өдөр гэнэт бас хуй салхи мэт хийсээд одсон. Гэнэт ассан, гэнэт унтарсан тэр гэрэл тоглоом байж уу. Хууралт, хуурамч хүн чанар, элэглэл, доромжийн хариуд өс хонзонгийн халуун гал үлээж, өөрийн мэдэлгүй үзэн ядалтын зэвсгээр хуяглан хэний ч зүүдэнд оромгүй зүйлийг үйлдэнэ. Заримдаа хүн аз жаргалыг олох гэхдээ, аз жаргалтай амьдрах гэхдээ өс хонзонгийн нэхээсийг нарийн урладаг аж. Эсвэл өс хонзон хүнийг амьд байлгадаг гэлтэй. Тэр аз жаргалд хүрэв үү.

Гуниг, баяраа өвөртлөн халаасандаа нуучхаад Гуравхан сарын дараа нислээ бид, алс харгуйд Ганган хослолоо тайлж шидчихээд Гар гараасаа халуунаар атгалцаад Гашуун бас хээнцэр амьдралд хөл тавилаа. Ижилдэн хөөрч эрхлэн дассан бид Илгээлтийн эзэд ингээд болжээ Ирэх намрын шувуудын цувааг итгэл төгс харах үлдлээ... Хаврын хонхны баяртай зэрэгцэн сэтгэл зүрхээ зориулан хамтдаа хамгийн том шийдвэрийг гарган, амьдралынхаа анхны алхмаа хийж буй төгсөх сурагчид. Санаатай, санаандгүй халаасанд ирсэн хайрын зурвасууд саад дагуулах болов уу... Хайр дурлал, үерхэл нөхөрлөлийн ээдрээт урт харгуй энэхүү номд гарна. Бүтээлийг уншсан: О.Цэнгэлбаяр Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.

“Би” гэдэг хөрөг зургийг “сэтгэл” хэмээх бийрээр бүтээдэг. Зовлон, жаргал гэх нүд эрээлжлэм эрээн мяраан зургийг ч сэтгэл хэмээх шидэт бийрээр урладаг. Юу болж буйг ч таниж мэдэх завгүй, үймрэн самран байж зурсан зургууд минь хэсэгхэн цаг хугацааны дараа дурьдатгал төдий зүйл болон хувирч, хаа нэгтээ тоосонд дарагдан мартагдана. Гэвч мартагдсан тэр уран зураг бол миний бүтээсэн амьдрал юм. Тиймээс өөрөөсөө өөр хэнд ч мартагдахгүй, тийм л амьдралыг бүтээх ёстой гэж би өөртөө өдөр бүр сануулдаг юм. Бүтээлийг уншсан: Ц.Содчимэг

Номны үйл явдал яг л детектив кино шиг өрнөнө. Зохиол нууцлаг аллагаар эхэлж, Ачлал гэх залуугийн ээдрээтэй, гунигтай амьдралыг хүүрнэжээ. Багадаа гэрээсээ хэрхэн төөрсөн тухай зүрх шимшрэм үйл явдал сэтгэл эмзэглүүлнэ. Хүн хайртай хүмүүсээ мэдэхгүй, тэднээсээ хол өсөх шиг гунигтай түүх ховор байх гэж бодогдмоор. Залуу хэдийгээр Рэкетчдийн хаан хэмээн хүлээн зөвшөөрөгдсөн ч энэ зохиолоос хайр амсаагүйгээс болж хүний зан чанар хад чулуу мэт хатуу, хоосон хүн чанаргүй, сэтгэлгүй нэгэн болж өөрчлөгдөж болох юм гэсэн санааг олж харна. Дараа нь тэрээр олон жил хайж байсан хайртай бүсгүйтэйгээ санаандгүй учирдаг. Ингээд бүсгүйг дахин хайрлах болно. Гэвч бүсгүй түүнд сэтгэлээ өгч чадсангүй. Энд зохиолын зөрчил гардаг. Хэмжээнээсээ хэтэрсэн хайр аюул дагуулдаг тухай зохиолч өгүүлдэг юм. Хайр бүхнийг хөнөөдөг чамайг ч бас хөнөөнө гэж үнэхээр бодоод байхад хайраас болж өөрийгөө болон амьдралаа сүйрүүлсэн хүмүүс ямар их байдаг билээдээ. Зохиолыг уншсан: М.Батмагнай

Хамтын амьдрал зохиосны дараа олон асуудал босож ирнэ. Эдгээр асуудлыг хэрхэн шийдвэрлэх талаар хэн хэн нь туршлагагүй учир эхэндээ бүгд л алддаг, гэнэддэг, мухарддаг. Харин асуудлыг шийдвэрлэх туршлага санаандгүй урган гарч ирсэн асуудлуудаас л хуримтлагддаг. Туршлагажаад ирэхээрээ бид чухам яагаад үргэлж маргалдаад байгаа юм бол... бидний харилцааны асуудал чухам юунд оршиж байгаа юм бол... гэж шалтаг шалтгааныг нь ухаж төнхөж эхэлдэг юм билээ. Би яг л ингэсэн. Үүргээ хамт үүрч, алдаа, оноогоо хуваалцаж, хариуцлагаа хувааж хүртэх ухаан л бидэнд дутсан байж. Хэрэв бид алдаа, оноогоо хамтдаа цэгнэж, хамтран зөвшилцөж чаддаг байсан бол хэн хэнийхээ үнэ цэнийг илүү ойлгох байсан бизээ. Одоо ч оройтоогүй байна. Хувь хүний хөгжил болон нэгэн бүсгүйн гэр бүлийн хүчирхийллийг даван туулсан тухай сонирхолтой өгүүлэмжийг та сэтгэл догдлон сонсоно гэдэгт итгэлтэй байна. Бүтээлийг уншсан: Б.Дэлгэрцэцэг

Бүсгүйчүүд жаргалтай үедээ яг л зун шиг байдгийг би сайн мэднэ. Тэр үед бидний сэтгэл даль жигүүрээ дэлгээд, үзэсгэлэнт цэцэгсийг дамжин дэвэх эрвээхэй шиг л дэлхий ертөнц, гариг эрхэсийн дундуур аялан зугаацдаг. Тэрхүү сайхан мэдрэмжээс хамгийн үзэсгэлэнт бодлууд хөвөрдөг. Энэхүү номд багтсан өгүүллэгүүд ч мөн тэрхүү үзэсгэлэнт бодлуудаас урган төлжсөн юм. Учир нь, би нулимс, гунигийн тухай бичихийг хүсдэггүй. Хүний амьдрал үнэндээ асуудлаар дүүрэн. Тэр олон асуудал дээр би бас гуниг, нулимс нэмээд яах вэ дээ. Тиймээс л хамгийн жаргалтай үедээ гэрэл гэгээт бодлуудаас урган хөвөрсөн үзэсгэлэнт төсөөллүүдээ цаасан дээр буулгах дуртай. Ийм л тэнүүн сайхан бодлууд, гэрэлт төсөөллүүд минь өрөөлд ч бас хамгийн гэгээн бодрол, ухаарлыг бэлэглэнэ гэдэгт эргэлздэггүй.

“Дурласан эмэгтэй хамгийн хөөрхөн” номыг нээхэд хөндий талд цэгээн униар тунаж, хэдэн яргуй хэнзлэн дэлбээлсэн мэт, хүйс хүйсхэн бороо дусагнан гэрийнхээ дэргэд зогсоо бүсгүй алсыг харуулдах мэт зөөлөн зураглал буулаа. Бүхэлдээ хавар шиг ном ажээ. Та сайн ажааран үзвэл сэтгэлд тань далийн ягаан цэцэг ургаж, хагацан одсон хайртаа үгүйлсэн дуун дуулдан, эргэх цагийг имрэн суугаа бүсгүй сэтгэлийг чагнах болно. Энэ номонд даашинзны тухай нэг хөөрхөн өгүүллэг бий. Хар багаасаа өмссөн тоодгор даашинз нь өдөр сараар хэрхэн дэрвийж, болзоонд хамт гүйгээд зогссонгүй бүжгийн гангараа, хуримын цагаан өмсгөл болон гайхуулж, бүр хожим нас намжир тогтсон эмэгтэйн урт даашинз болон хувирч буй тухай сонирхолтой зохиомжтой. Үүнийг зөвхөн эмэгтэй хүний урлаж чадах торгон мэдрэмж гэмээр.