Дэлхийг байлдан дагуулах амархан ч өөрийгөө өөрчлөн шинэтгэх, нураан түрэмгийлэгч, орхин одогчоос бүтээн босгогч, оршин суугч болгох нь амаргүй бөгөөд төвөгтэй байсныг энэ ном харуулна. Хувьсгалт засаглал хүн ардаа иргэншүүлэн соёлжуулах ажлыг хүч хэрэглэн, төрийн албадлагын дор хэрэгжүүлсэн юм. Гэхдээ л хувьсгалт соёлын хүчирхийлэлд иргэд сэтгэл хангалуун үлдэж, өнөө ч түүнийг инээд хөөртэйгөөр дурсдаг. 2007 онд анх гарсан эл бүтээлийг дахин хэвлэхдээ хэд хэдэн бүлэн нэмж, шинэ баримтаар баяжуулан та бүхэнд толилуулж байна. *Номын аудио хувилбарт зүүлт тайлбар, ном зүй мөн зураг тайлбарын хамт ороогүй тул эдгээрийг хэвлэмэл болон цахим номоос харах боломжтой. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

"Монгол 11 үгээр" бол нийтлэлч, зохиолч Б.Цэнддоогийн Монгол үндэстний оюуны сэтгэлгээ, түүх, соёл, зан заншлыг товч бөгөөд гүн гүнзгий илэрхийлсэн онцгой бүтээл юм. Тэр бээр монголчуудын мөн чанарыг тодорхойлж болох 11 гол үгийг сонгон авч, үг бүрийн ард орших түүхэн уг сурвалж, сэтгэлзүйн онцлог, ёс заншил, улмаар үндэстний таних тэмдгийг тайлбарласан нь энэхүү номын үндэс болжээ. "Нударга", "Шар тос", "Дээл", "Цагаан сар", "Нүүдэл" гэх мэт үгсийн цаана зөвхөн утга төдийгүй, амьдралын хэв маяг, үнэт зүйл, түүхэн туршлага, философи хүртэл багтаж байдаг гэдгийг сонсогч ойлгож, шинэ өнцгөөс харж чадна. Товч үг, богино өгүүлэмжээр дамжуулан үндэстнийхээ түүхэн ухаан, амьдралын арга ухааныг таниулах энэ бүтээл нь хөнгөн хэр нь оюуны гүнзгий сонслого юм. Монголчуудын өөрсдийгөө ойлгож, гадаад ертөнцөд өөрийгөө таниулах сэтгэлгээний гүүр болохуйц үнэ цэнтэй ном ба "Бид хэн бэ?" гэх асуултад товчоор, ухаалгаар хариулсан ном. Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Яруу найргийн түүвэр.

Анхны "чөтгөр"-ийн дууль буюу "БНМАУ"-д болсон явдал Эл номд өгүүлж буй түүхүүдийг жинхэнэ болсон явдал гэж бодож байна уу? Эсвэл санаанаас зохиосон зүйлсээрээ толгой эргүүлээд хаячихлаа гэж хардсан уу? Үнэнээ хэлчихвэл би зохиолч биш та уншигч биш болчих тул: Болсон явдлыг өгүүлэхдээ "Манай хүн ч зохиочих шиг боллоо" хэмээн эргэлзүүлэх, яалт ч үгүй зохиочихсон юм аа. "Энэ харин ч үнэн байх" гэж итгүүлэхэд л ном бүтээлийн учир утга оршдог юм шүү дээ! Өгүүлэгч: Д.Зоригтбаатар Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.

Энэ номд Б.Цэнддоогийн хоёр хошин тууж багтжээ. Голын тэртээх гацааны хавар хөдөөх сургуулийн дотуур байрны хүүгийн амьдралын зурвас хэсгийг өгүүлнэ. Хүүхэд бүрийг яг адилхан, тэгсэн мөртөө өв тэгш хүн болгон хүмүүжүүлэх уриа лоозонтой байсан социализмын жилүүдэд үзэл суртлын тоос суугаагүй сэтгэл ухаанаар эргэн тойрноо танин мэдэж буй жаал хүүгийн амьдралыг хошноор өгүүлсэн боловч уянга уярлаар дүүрэн ажээ. Нөгөө нь Отто, орчуулагч, бид гурав нэрт тууж. Албан томилолтоор Монгол нутагт анх удаа хөл тавьсан герман эр талын нүүдэлчин малчдын амьдрал ахуйтай танилцсан хөгжөөнтэй түүх. Бодит явдлаас сэдэвлэсэн энэ туужаас монголчуудын унаган араншныг ямар нэг нэмэр хачиргүй, элдэв будаг шунхгүйгээр олж харна. Өгүүлэгч: Б.Дархансүх Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2026 он.