Өнгөрсөн хугацааны харанхуй дурсамжийг ачаа мэт үүрсэн, хэлтгий заяатай нэгэн бүсгүй өөрийн сонгосон хувь заяаны замаар алхана. Хүний тушаалаар бус, байгалийн ивээлээр сонгогдсон түүнийг харсан бүхэн чөтгөр хэмээн үзэх нь бий. Гэвч түүний жинхэнэ тулаан хүнтэй бус, сүнслэг оршихуйтай өрнөнө. Тэрээр олон хүний амь насыг аварч, хамгаалдаг ч энэ бүхэн түүнд алдар нэр, хүндлэл авчрахгүй. Харин харанхуйн гүнд нуугдан орших эртний хүчирхэг оршихуйтай нүүр тулах өдөр нь улам ойртсоор...

Хүний ертөнцөөс тусгаарлагдсан шинэ ертөнц байдаг бөгөөд олон мянган жилийн туршид оршиж ирсэн билээ. Тэнд эгэл жирийн бус хүмүүс амьдардаг. Хүрээлэн хот бидний мэдэхгүй түүхийг таны сонорт хүргэх болно...

Олон мянган жилийн туршид хоёроос гурван тэмдэг өвлөгдөж ирсэн ч чөтгөрийн ангуучдын хосуудаас зоосны хэлбэртэй тэмдэгтэн шинээр төрсөн байдаг. Энэ бол бурхны дайтай хүчтэй нэгэн билээ.

Үхэл амьдралын зааг дээр төөрсөн сүнснүүд гэж байдаг. Тэдэнд хэлж амжаагүй үг, тайлагдаагүй нууц, дуусгаагүй хувь тавилан бий. Сүнстэй ярилцдаг бүсгүйд маш олон нууцлаг, мөн айдас төрүүлж аймшигтай санагдах зүйлс тохиолдохыг хамтдаа мэдэр…

Хугацаанаасаа өмнө төрсөн бяцхан охин эргэн тойрныхоо ертөнцөөс өөр ертөнцтэй холбоотой онцгой хувь заяатай төржээ. Эмч нар төрөлтийн өмнө түүнийг хүү хэмээн хэлж байсан ч үнэндээ охин байв. Тэр өсөж, төрсөн өдрүүд нь ойртох бүрд амьдралд нь хачирхалтай, аймшигтай үйл явдлууд давхар тохиолдож эхэлдэг. Охин энэ дэлхийн иргэн бус гэдгээ ойлгож, өөрийнхөө төрөлх ертөнц рүү дуудах нууцлаг урилга, хачирхалтай үзэгдлийг харж эхэлнэ. Гэвч түүний амьдарч буй газар үхлийн вирусийн аюул дэгдэж, бүх зүйл аюулд орох бөгөөд охин аливаа тэнцвэр, амьдрал, хувь заяаг цааш нь удирдах эцсийн сонголттой тулгарна.