Миний өмссөн гутал. Бид хаанаас ирсэн юм бол оо. Яагаад хэзээ ч хамаагүй үхээд хаашаа ч юм мэдэхгүй явчихдаг байна аа. Энэ хооронд тааралдсан, тохиолдсон, болж өнгөрсөн бүхэн хувь тавилан уу. Хэзээ нэгэн өдөр энэ хорвоо дээр байхгүй болно гэдэг ганцхан үнэнд суурилан амьдралын хором мөч бүрээ утга учиртай холбон хэтэрхий романтик аж төрдөг 28 настай сэтгүүлчийн эгэл түүхүүд энэ бүтээлд гарна. Ухаарал бүр нэг дурсамжаар илэрч, эдгэрсэн өдрүүдээ эргэн санаж, буцах эрхгүй мэт давшилсаар ард нь гарсан бэрхшээлүүдээ хайрлан нийтлэл болгож бичсэн нь танд хань болох болов уу. Зохиогч нь эл бүтээлээ эрдэм мэдлэг түгээх ном гэхээсээ илүү сэтгэл зүрхэнд шингэх мэдрэмж зарж байна гэж тайлбарлах дуртай. Тиймээс мартагдсан, цааш хийгээд нуучихсан нандин бас халуун дулаан мэдрэмжүүдээ дахин нэг санахыг хүсвэл “Миний өмссөн гутал” номыг эхлүүлээрэй. Өгүүлэгч: С.Цэндсүрэн Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2025 он.