МЗЭ-ийн болон “Алтан өд”-ийн шагналт зохиолч. 1969 онд Алтай хотод төрсөн, Говь-Алтай аймгийн Баян-Уул сумын уугуул. Олон нийтэд танигдсан бүтээл нь “Хэцүү анги”, “Тусгай салаа” кино зохиол.
“Улаан эрэг”, “Огцом эргэлт”, “Эрт нахиалсан сарнай”, “Давхар цагаан шугам” зэрэг олон ангит кино зохиол бичсэн нь МҮОНТ-д бүтээгдэж, тус телевизийн эфирээр нийтэд хүрсэн. “Өөхөнд хулдсан егөө”, “Хэцүү анги”, “Арван дөрөвтэй том хүн”, “Ёж философи”, “Сурагчаас шууд ерөнхий”, “Бямбасүрэнгийн Шарав”, “Аранзал зөн”, “Хорьж дийлээгүй хайр” зэрэг ном бичсэн. 
Түүний бүтээлүүд нь “Гоо Марал”, Берлиний кино их наадмын “Энхийн төлөө кино”, “Mongolian Academy Award” кино наадмын шагнал хүртсэн. МҮОНТ-ийн 50 жилд бүтээгдсэн 5 шилдэг бүтээлд олгосон “Алтан цамхаг” шагналыг “Тусгай салаа” кинонд өгсөн байдаг.