Зохиолч Жигжидийн  Бямба нь 1933 онд Завхан аймгийн Ургамал сумын нутагт төрсөн. 1950-иад оноос уран бүтээлээ эхэлж, шүлэг, өгүүллэг, тууж, роман, жүжгийн олон зохиолыг уншигчиддаа өрсөн барьсан зохиолч юм. 1960 онд бичигдсэн “Талын цэцэг” туужаараа ардын хувьсгалын 40 жилийн ойд зориулан зарласан богино хэмжээний бүтээлийн уралдаанд 2-р байр эзэлж Монголын 20-р зууны уран зохиолд дуутай шуутай орж ирсэн юм. 1971 онд бичсэн “Хорвоогийн өнгө” романаараа тухайн үеийн Монголын нийгмийг шуугиулж, өнгө мөнгөний хорвоогийн тухай бичлээ гэж шүүмжлүүлж байсан. “Их Аяныхан” (1977), “Энэрэлгүй хорвоо” (1981), “Үнэний хорвоо” (1983), “Заяа тавилан” (1989) зэрэг романууд нь Монголын ХХ зууны утга зохиолын романы төрөлд зохиолч Ж.Бямбын оруулсан хувь нэмрийг утга зохиол шүүмжлэгчид үнэлдэг юм.