Үүрийн гэгээ тал сүлэхийн түрүүчээр болжмор жиргэж эхлэв. Тэнгэр сааралтан аажим аажмаар өнгө зассаар цагаан гэгээ тооноор нь шурган унь хана, зүүн талын тавиур дээр зэрэглэсэн сав суулга ярайж харагдана. Цэрэнжид орноосоо босож жишүү харсхийн байж хувцаслаад гарав. Шөнө хэдэн тэмээ нь хотоо бараадан ирж хоносон бололтой түрүүчээсээ босож байдгаараа алцайн зогсож бага зэрэг оцойн өтгөн шар шээс уур манаруулан савируулна. Харагч ингэ л ботгоо бөөрөндөө наалдуулан хэвтэж, сувай суухай тэмээнээс харамлах аятай шилбэлзэн хэржигнэтэл хивэх ажээ. Сайхан цэлмэг өглөө байв. Тал, өмнө хаяанаасаа гэгээрч, шингэн цайвар гэгээл гал шаргал туяа тэнгэрт нь алгуур алгуураар өргөн саруулсгана. Алсын уулын бараа, их говь чухамдаа тэр л чигээрээ тодхон харагдаж, Цэрэндорж өөртөө <<Өлзийгөө өгсөн Алтай минь!>> хэмээн наминчлан залбирав. Өгүүлэгч: Б.Дархансүх Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.

“Усны гудамж” роман гол дүр Өлзиймаа, Цогт хоёр айл гэр болон Усны гудамжинд нүүж ирж тэд хэрхэн танилцсанаар зохиол эхэлдэг. Эхлэхээсээ л хүний анхаарлыг татна. Бичиглэл, дүрийн тодотгол, орчин тойрны дүрслэл зэрэг нь маш энгийн. Тухайн үеийн хүрээ хот, хөдөө малчин айлын ялгааг тод, нарийн харуулсан, хүний зан чанарын ялгаа, ямар хэрцгий шударга бус цаг үе байсан ,хэлмэгдүүлэлт, гэм зэмгүй хүмүүс хохирч байгааг харуулсан, ухаарал хайрласан бүтээл юм. Их хэлмэгдүүлэлтийн бодит байдал, амьдралын шуурганд өртөж буй залуу бүсгүй, тэр хэрхэн өөрчлөгдөн буйг уран тодоор гайхалтай сайхан дүрсэлсэн, бодлоос дурсамж руу хөтлөн, багын гэнэн томоогүй бодол, хошигнолыг гайхалтай зохицуулан бичсэн. Уг роман нь зохиолчийн шилдэг бүтээлүүдийн нэгэнд тооцогддог. “Аз хур” компанийн XXI-р зууны шилдэг романы тоонд орж, хоёр дахь удаагаа хэвлэгдэж байсан. Өгүүлэгч: Б.Дархансүх Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2022 он.

“Би их уулын эрх хүү” ном нь Зохиогчийн мэндэлсэний 80 жилийн ойд зориулан бүтээгдсэн зохиогчийн амьдралыг харуулсан намтар эссэ юм. Уг номыг 2001, 2004 онд Гачууртад бичсэн байна. Номонд өөрийн бичсэн намтар, амьдралын түүхээс гадна Москва хотын Горькийн нэрэмжит Утга зохиолын дээд сургуульд сурч байхдаа эхнэртээ бичиж байсан захидлын дээж, хувийн архивт хадгалагдаж байсан зохиолчдын гарын үсэг, үе үеийн найз нөхөд, хамтран зүтгэгчидтэйгээ авахуулсан түүхэн гэрэл зургууд, гэр бүлийн зургууд. “Тэнгэрийн таван нүдэн”, “Хайрлах нас хүрэлцэнэ”, “Миний амар амгалан”, “Цэнхэр ном”-ын нээлтийн зураг болон “Гэр музейн” ажлын явц болон, “Уулын намар” туужаар сэдэвлэн бүтээж буй киноны зураг авалтын хэсэг зэргийг харуулсан ном болно.