"Хэрэв Улаанбаатар хотыг нойрсож буй гүнжтэй зүйрлэвэл уруул дээр нь үнсэж сэрээх л хамгийн эхний сонголт буй за. Гэвч хотын уруул хаа билээ? Олж үнсэхэд ямархан асуулт шалгуур, саад сорилттой учрах бол. Мөнхүү хотыг нойрсон буй гэж сэтгэн мэдрэх нэгэн хэн билээ?" Зургаан жилийн өмнө холбоо тасарч, сураггүй болсон нэг бүсгүйг зохиолын би баатар буюу нэгдүгээр биеийн хүүрнэгч санамсаргүй байдлаар нэгэн дэлгүүрийн сурталчилгаа дээрээс харснаар, олж уулзахаар шийдэн Дарханаас Улаанбаатар хот руу зорчиж байгаагаар роман эхэлнэ. Зохиолын гол баатарт тохиолдох нийгмийн бодит үнэн, сайн муу явдлууд, цаг зуурын үзэгдлүүд болон "би" баатрын дотоод сэтгэл, дурсамж төсөөлөл, бодол санааны хүүрнэлээр зохиолын өгүүлэмж цааш хөвөрнө. Дүн өвлийн үеэр Улаанбаатар хотоор хоёр өдөр, гурван шөнийн турш хэрэн бэдрэх залуу хайсан хүнээ олох болов уу? Өгүүлэгч: Б.Пүрэвдагва Найруулагч: Д.Баярнэмэх "МBOOK" студид бүтээв. Зохиогчийн эрх хуулиар хамгаалагдсан 2025 он.

Бага балчир насандаа гэрээ орхин, ваар хийх ухаанд суралцаж, ваарчин болохоор алс хол явсан хүүгийн амьдрал, түүнд тохиолдох адал явдал, хайр, эр зориг, нөхөрлөл, гуниг харуусал, хүсэл зорилгоо үнэн мөнөөр нь олж авахаар тэмцэх явцдаа ухаарсан ухаарал зэрэг олон дам утгуудыг өгүүлэх зөн совингийн тууж юм. Улмаар хүү Монголчуудтай түүхийн сэжмээр холбогдох тухай ч бас өгүүлэгдэнэ. Бүтээлийг уншсан: Б.Дархансүх Найруулагч: Д.Баярнэмэх, М.Сүрэнхорлоо "МBOOK" студид бүтээв. Зохиогчийн эрх хуулиар хамгаалагдсан 2024 он.