Чилийн нийслэл Сантьяго хотод төрсөн, философич, зохиолч, судлаач, орчин үеийн нэрт энэрэнгүй үзэлтэн, соёл энэрэнгүй үйлсийг дэлхий дахинд түгээх зорилготой Симон Салас Боливарын Латин-Америкийн санг үндэслэгч Дарио Салас Соммэр. Түүний бичсэн “XXI зууны ёс суртахуун” номыг арван хоёр орны хэлээр хэвлэн олон улс орны иргэд уншин судалж байгаа билээ. Тэрээр ёс суртахуун, түүний үнэт зүйлс, зан суртахуунд нийгмийн мөн чанар, ач холбогдлыг дэлхий дахинаа сурталчлан таниулах, хүн төрөлхтний дотоод ертөнц болох ухамсар, сэтгэлийн хувьсал өөрчлөлт, хөгжил дэвшилд 50 гаруй жилийн амьдралаа зориулж яваа нэгэн. Түүний үзэл санааг дэмжигчид дэлхийн олон оронд бий. Хүмүүс бид Байгаль-Эхийн хуульд захирагдаж, ёс суртахуунд тулгуурлан дотоод ертөнцөө өөрчлөх шаардлагатай байгааг тэрээр баталсан.