Орчуулсан: Лингостик ХХК | Орчуулгын үйлчилгээ Үнэхээр чадварлаг удирдагч болохын тулд багийнхныхаа хэрэгцээг өөрийнхөөсөө дээгүүр тавих нь чухал. “Удирдагчийн стратеги, тактикууд” номдоо Жоко Виллинк энэхүү зарчмыг хэрхэн хэрэгжүүлэх тухай бодитой заавар өгчээ. Даруу төлөв байж, хүчирхэг харилцаа тогтоон, багийнхныхаа алдаанд хариуцлага хүлээснээр та гүйцэтгэлийг нэмэгдүүлж, ажилтнууд тань өөрсдөө удирдагч болоход дэмжлэг үзүүлэх юм. АНУ-ын усан цэргийн Далай, агаар, хуурай газрын офицер, 20 жилийн туршлагатай Виллинк өөрийн хөрөнгө болох удирдагчийн зарчим, зөвлөгөөг энэхүү дэлгэрэнгүй номоор хуваалцжээ. Энэхүү товч номд бид удирдагчийн ач холбогдлыг судалж, үр дүнтэй удирдахуйн гол бүрэлдэхүүн болох даруу зан, харилцаа, хариуцлага, тэнцвэрийн тухай авч үзэх юм. Номд 30 гаруй удирдагчийн санааг тусгаснаас бид Виллинкийн дүрэм, зөвлөгөөг гол дөрвөн сэдэвт хуваасан. Сэдэв бүрийг тус тусад нь авч үзэн, дүрэм, холбоотой зөвлөгөөг нь тайлбарлах болно. Ингэснээр түүний санааг өдөр тутмын амьдралдаа хэрэгжүүлэхэд туслах нэмэлт ойлголт, бодитой аргуудыг харуулах билээ. “Удирдагчийн стратеги, тактикууд” ном нь гайхалтай удирдагчийн чадварыг хөгжүүлэх арга хэрэгсэл, мэдлэгийг олгох болно. Виллинкийн зааврыг даган, өнцгийг нь судалснаар та өөртөө итгэлтэй удирдагч болж, багийнхныхаа амжилт, өсөлт хөгжилд урт хугацааны нөлөө үзүүлэх юм.

Орчуулсан: Лингостик ХХК | Орчуулгын үйлчилгээ Агуу удирдагчдыг бусдаас ялгадаг зүйл юу вэ? “Онц хариуцлага” ном нь дайн тулааны талбар, корпорацуудын тулаанаар дамжуулан гайхалтай удирдлагын нууцыг нээн харуулах болно. Шинийг санаачилсан энэхүү номд шилдэг удирдагчид зөвхөн өөрийн үйлдэл, шийдвэртээ ч биш, багийнхаа бүх гишүүний үр дүн, хариуцлагыг өөртөө үүрч, бүхий л зүйлд бүрэн хариуцлага хүлээдэг хэмээн баталжээ. “Онц хариуцлага”-аас харахад эдгээр удирдагч нь нийтийн амжилт, тууштай ахиц дэвшил, багийнхаа төлөө нугаршгүй зүтгэх, эцэст нь ялалтад хүрэхийг урьтал болгодог аж. Зохиолч Жоко Виллинк, Лэйф Бабин нар АНУ-ын Далай, агаар, хуурай газар буюу ДАХГ-ын офицерийн хувиар Иракт дайны талбарт зүтгэж байсан үнэт туршлагаасаа жишээ татсан аж. Тэд тулааны талбарын онц хариуцлагын зарчмыг корпорацын ертөнцөд өө сэвгүй хөрвүүлж, нөлөө бүхий бизнесийн зөвлөх болж чадсан юм. Онц хариуцлагын гүн, мэргэн ухааныг тайлж, гайхалтай удирдагч болох замаа гэрэлтүүлээрэй. Бид хамтдаа хүмүүст урам хайрлаж, нөлөөлж, урьд хожид үзэгдээгүй амжилтад хүргэх удирдагч болоход туслах стратеги, жишээ түүх, бодит хэрэглээ зэргийг олж авна. “Онц хариуцлага” номын зарчмыг баримтлан, гайхалтай удирдагч болох аялалд гарахдаа бэлдээрэй.