Сэтгэл зүйч мэргэжилтэй Эми морин нь ээж болон эр нөхрөө зуурдаар алдсаны дараагаар сэтгэлзүйн гүн хямралд орж хүнд цохилтыг даван туулах хэрэгтэй болсон юм.  Сэтгэлзүйн хувьд хүчирхэг олон хүмүүсийг судлан үзэж байхдаа хүчтэй хүмүүс нь зөвхөн сайн дадал зуршлын хүчээр амжилтад хүрдэггүй, харин өөрийг нь хойш нь чангаагч муу зуршлуудтайгаа тэмцэн ялж чадсан хүмүүс байдгийг олж мэдсэн байна. Эми энэхүү нууцаа өөрийн цахим орчинд нийтэлсэн нь 50 сая хандалт авч улмаар ном бичих санаа төрсөн байна. Өдгөө Эми Морин дэлхийн даяар олон сая хувиар борлогдсон зургаан номыг бичсэн алдартай зохиолч, инфлүнсер, илтгэгч, хүмүүнлэгийн зүтгэлтэн болжээ.